माधव नेपाललाई महाधिवेशनपछिको अध्यक्षमा ओलीको प्रस्ताव विधि र प्रक्रियामा पार्टी चलाउनु पर्ने नेपालको अडान

छाल खवर
धरान,१३ कार्तिक ः सत्ता टिकाउन प्रधानमन्त्री केपी ओलीले अनेक प्रलोभनको पत्ता फ्याक्ने गरेकाछन् ।
समूह वलियो वनाउदै सता जोगाउनका लागि उनले अनेक फण्डा निकाल्दै आएकाछन् ।

उनले अर्का कार्यकारी अध्यक्ष पुष्पकमल दाहाल (प्रचण्ड)सँग आन्तरीक रुपमा मनमुटाव बढेसँगै केपी शर्मा ओलीले वरिष्ठ नेता माधव नेपालसंगको सहकार्यलाई अगाडि बढाएका छन् ।

उनले वरिष्ठ नेता माधव नेपाललाई महाधिवेशनपछिको अध्यक्ष बनाउने लालिपप दिएर सत्ता टिकाउने प्रयास गरेकाछन् ।

यो कार्ड फालेपछि प्रचण्डसंगको उनको सम्वन्धमा दरार ल्याउने दाउमा छन् । नेपाली उखान फुटाउ र शासन गर भन्ने नेपाली उखानलाई यथार्थमा परिणत गर्दै लान थालेकाछन् ।

अरुको शक्ति क्षीण गर्र्दै आफूलाई वलियो वनाउन माहिर मानिने ओली फेरी प्रचण्ड र नेपालवीच फुट ल्याउने तयारीमा लागेकाछन् ।

स्रोतका अनुसार ओलीले हामी मिलेर जाऔं अबको नेता तपाईँ नै हो । पार्टी महाधिवेशनबाट तपाईँले पार्टीको नेतृत्व लिनेगरी सबै कुरा मिलाउनु पर्छ भनेर नेपाललाई उनले फकाएकाछन् ।

ओलीको प्रस्तावमा नेपाल सकारात्मक भएपनि आशंका भने गरेकाछन् । नेपालले आफू मिल्नका लागि तयार रहेपनि विधि र प्रक्रियामा पार्टी चलाउनु पर्ने उनको अडान रहेको छ ।

कात्तिक ४ गतेको भेटवार्तामा पनि ओलीले नेपाललाई मिलेर जानका लागि प्रस्ताव राखेका थिए ।

ओलीले प्रचण्डलाई पनि महाधिवेशन पछिको अध्यक्षको प्रलोभन दिएकाछन् । अध्यक्षको कार्ड सवै नेतालाई फाल्न थालेपछि प्रचण्ड पनि त्रसिएकाछन् ।

प्रचण्डलाई चिडाउनका लागि ओलीले प्रचण्डका प्रियपात्रलाई मन्त्रि बनाउने तयारीमा लागेकाछन् ।