कांग्रेस नेता मीन विश्वकर्मालाई आईसियुबाट भ्याण्टिलेटरमा सारियो

छाल खवर
धरान,१४ कार्तिक ः नेपाली कांग्रेसका केन्द्रीय सदस्य प्रभावशाली नेता तथा पूर्व वाणिज्य मन्त्री मीनबहादुर विश्वकर्मालाई भेन्टिलेटरमा राखेर उपचार थालिएको छ ।

एकहप्ता देखि ग्राण्डी अस्पताल काठमाडौंमा आइसियुमा रहेर उपचार गर्दै आएका विश्वकर्मालाई शनिवार भेन्टिलेटरमा सारीएको हो ।

कोरोना संक्रमण संगसँगै निमोनिया समेत भएका उनलाई अस्पतालको सघन उपचार कक्ष (आईसीयू) मा उपचार भइरहेको थियो ।

उनका सहयोगी आकाश उप्रेतीका अनुसार आइसियुको उपचारबाट पनि उनको स्वास्थ्यमा सुधार नभएपछि भेन्टिलेटरको सहायताले उपचार शुरु गरिएको हो ।

‘भेन्टिलेटरमा पाँच दिनको उपचारको कोर्स पुरा गर्दा निमोनिया निको पार्न सकिने डाक्टरहरुले वताएको उप्रेतीको भनाई रहेको छ ।

नेपाली कांग्रेस निकटको दलित संघका केन्द्रीय अध्यक्ष समेत रहेका ५३ वर्षीय विश्वकर्मालाई निमोनिया ठिक नमएपछि भेन्टिलेटरमा सारीएको हो ।