सुनसरी १ नं. निर्वाचन क्षेत्रमा एक हजार घरधुरीमा कर्कटपाता

छाल खवर
धरान,१७ कार्तिक ः नेपाल सरकारको सुरक्षित आवास कार्यक्रम अन्तर्गत सुनसरीको १ नं. निर्वाचन क्षेत्रमा १ मा एक हजार घरधुरीमा कर्कटपाता लगाइने भएको छ ।

सरकारले ३ वर्ष भित्रमा फुसको छानो हटाउने अभियान अन्र्तगत १ नं निर्वाचन क्षेत्रमा सो घरधुरीमा कर्कट पाता लगाइने भएको हो ।

सो अभियान अन्र्तगत गत वर्ष रामधुनी नगरपालिकामा ५० घरमा कर्कटपाता छाइएको थियो ।

सुनसरी क्षेत्र नं १ संघीय संसद जयकुमार राईका अनुसार यस वर्ष बराहक्षेत्र नगरपालिकाको वडा नं १,२,३,४र ५ मा ४सय ४५घर धुरीमा फुसको छानो हटाएर जस्ता पाता लगाईने छ ।

त्यसैगरी रामधुनीको ६ र ७ नं. वडामा २सय २४ घरमा फुसको छानो हटाइने छ भने धरानमा ३ सय ३१ घरमा कर्कट पाताको छानो लगाइनेछ ।

विजुली,हावापानी र आगलागीबाट नागरीकलाई सुरक्षित राख्नको लागि यो अभियान चालिएको आवास कार्यक्रमका अध्यक्ष क्षेत्र नं १ का संघीय संसद जयकुमार राईले जानकारी दिए ।

राईका अनुसार फुसको छानो हटाउनको लागि सरकारले प्रतिघर ५० हजारका दरले रकम उपलव्ध गराउने छ ।

सुरक्षित आवास कार्यक्रम निर्वाचन क्षेत्र नं १ का अध्यक्ष समेत रहेका संसद राईले सोमवार बसेको समितिको वैठकले यस वर्षको कार्यक्रम तत्काल शुरु गर्ने र यस आर्थिक वर्ष भित्रमा सम्पन्न गरीसक्ने निर्णय गरेको समेत जानकारी दिएकाछन् ।