पूर्वसभामुख महरा पत्नीको कोरोना संक्रमणबाट निधन

छाल खवर
काठमाडौ,१९ कार्तिक ः पूर्वसभामुख कृष्णबहादुर महराकी पत्नी सीता महराको कोरोना संक्रमणबाट मृत्यु भएको छ ।

केहीदिन यता काठमाडौंको नर्भिक अस्पतालमा उपचार गराई रहेकी सीताको बुधवार बिहान ६ः२५ बजे मृत्यु भएको हो ।

दशैंमा पुख्र्यौली घर रोल्पाको मेबाङ गएको बेला स्वास्थ्यमा सामान्य समस्या देखिएपछि उनलाई कार्तिक १३ गते दाङस्थित गोर्खा अस्पतालमा भर्ना गरिएको थियो ।

त्याहा उपचार संभव नभएपछि उनलाई १४ गते शुक्रबार हेलिकोप्टरबाट काठमाडौं ल्याई नर्भिक अस्पतालमा भर्ना गरिएको थियो ।

नर्भिक अस्पतालमा पीसीआर टेष्ट गर्दा उनमा कोरोना पोजेटिभसमेत देखिएको थियो । १५ गतेदेखि भेन्टिलेटरमा राखेर उपचार गर्ने क्रममै बुधबार मृत्यु भएको पारिवारिक स्रोतले जनाएको छ ।