धरान ९ की कोरोना संक्रमित ६७ बर्षीया वृद्धाको मृत्यु

छाल खवर
धरान,२२ कार्तिक ःधरान स्थित वीपी कोइराला स्वास्थ्य विज्ञान प्रतिष्ठानमा कोरोना संक्रमणका कारण धरान–९ की एक महिलाको मृत्यु भएको छ ।

उपचारको क्रममा धरान ९ की ६७ बर्षीया महिलाको वीपी कोइराला स्वास्थ्य विज्ञान प्रतिष्ठानको कोभिड अस्पतालमा मृत्यु भएको हो ।

प्रतिष्ठानका सहप्रवक्ता डा.आशिष श्रेष्ठका अनुसार शुक्रवार साँझ ६ बजे कोभिड अस्पतालमा वृद्धाको मृत्यु भएको थियो ।

प्रतिष्ठानका अनुसार मृतकलाई कार्तिक १८ गते कोरोना संक्रमणको आशंकामा कोभिड अस्पतालमा भर्ना गरिएको थियो भने १९ गते संक्रमण पुष्टि भएको थियो ।

उनलाई कोरोना बाहेक मधुमेह, मानसिक रोगलगायतको समस्या रहेको प्रतिष्ठानले जनाएको छ ।