जीत सुनिश्चित छ वरिष्ठ उपाध्यक्षका उम्मेद्वार चन्दप्रसाद ढकाल

छाल खवर
धरान,२८ कार्तिक ः देशव्यापी चुनावी प्रचार अभियानमा रहनुभएका नेपाल उद्योग वाणिज्य महासंघको वरिष्ठ उपाध्यक्षका उम्मेद्वार चन्द्रप्रसाद ढकालले आफ्नो जीत सुनिश्चित भएको दावी गर्नुभएको छ ।

चुनाव प्रचारको क्रममा प्रदेश १ र २ का जिल्ला तथा नगरका अध्यक्षहरुसंगको धनकुटाको भेडेटारमा आयोजित भेटघाट कार्यक्रममा ढकालले सो दावी गर्नुभएको हो ।

आगामी मंसिर ११, १२ र १३ गते काठमाडौंमा हुन लागेको महासंघको ५४ औ साधारण सभा तथा निर्वाचनको अभियानमा रहेको टोलीमा बरिष्ठ उपाध्यक्षका उम्मेद्वार ढकाल, जिल्ला नगर उपाध्यक्ष गुणनिधी तिवारी, बस्तुगत उपाध्यक्ष उमेशलाल श्रेष्ठ र एसोसिएट उपाध्यक्ष रामप्रसाद संघाई केन्द्रीय सदस्यका उम्मेद्वार अशोक ताम्राकार लगायतका सहाभागी रहनु भएको थियो ।

सो कार्यक्रममा ढकालले प्रदेश नं १ र २ का साथै अन्य जिल्लाबाट सहभागी ५२ जिल्लाका अध्यक्षहरु, नगर अध्यक्षहरु, अग्रज उद्योगी व्यवसायीहरुसँग छलफल समेत गर्नुभएको थियो ।

उहाले उद्योगी व्यवसायीहरुको गुनासो सुन्ने तथा उहाँहरुको हक अधिकार, सरकारी सौलियत, भन्सार छुटलगायतका विषयमा आफूले सरकारसंग पहल गर्ने प्रतिवद्धता व्यक्त गर्नुभएको थियो ।

उहाँले उद्योगी व्यापारीहरुको अधिकारलाई संस्थागत गदैं निजी क्षेत्र र सरकारविच पुलको काम गर्दै कोविडको महामारीबाट धराशायी वन्दै गरेको उद्योग व्यवसायलाई अघि वढाउनका लागि योजनाहरु ल्याउन भूमिका खेल्ने प्रतिवद्धता व्यक्ति गर्नुभयो ।

देशभर चुनावी अभियानमा रहदा उद्योगी व्यापारीहरुको साथ र सहयोग आफूलाई रहेको उहाले दावी समेत गर्नुभयो ।
आफू निर्वाचित भएपछि साना ठूला सवै उद्योगी व्यापारीहरुको समस्या समाधानका लागि जस्तोसुकै त्याग गर्न तयार रहेको स्पष्ट पार्नुभयो ।