भेडेटारमा व्याडमिन्टन प्रतियोगिता सम्पन्न

छाल खवर
धरान,१७ मंसिर ः भेडेटार व्याडमिन्टन क्लबको आयोजनामा प्रथम साँगुरीगढी गाँउपालिका स्तरीय खुल्ला व्याडमिन्टन प्रतियोगिता सम्पन्न भएको छ ।

प्रतियोगितामा डाडाबजार क्लबले अन्य प्रतिस्पर्धीलाई पछि पार्दै प्रथम स्थान हात पारेको छ । सो क्लवबाट मनि देवान र सुशान राईले प्रतिस्पर्धा गरेका थिए ।उनीहरुले नगद १५ हजार नगद ट्रफि मेडल हात पार्न सफल भए।

त्यसैगरी प्रतियोगितामा भेडेटार क्लबले दोस्रो स्थान जित्न सफल भएको छ । प्रतियोगितामा जितेन्द्र राई र यमप्रकाश मगरको जोडीले दोस्रो पुरस्कार हात पा¥यो । दोस्रो हुनेले ७ हजार नगद, ट्रफि मेडल पुरस्कार प्राप्त गरेको थियो ।

त्यस्तै प्रतियोगितामा बुढीमोरङ क्लबले तेस्रो स्थानमा हात पारेको थियो । वुढीमोरङका तर्फकाट दिलिप लिम्वु र सन्तोष लिम्वुले तेस्रो स्थान हात पारेका थिए ।

त्यसैगरी तेस्रो हुने अर्को क्लवमा भेडेटार व्याडमिन्टन क्लबका गणेश लावति र दिपेन सुहाङ रहेकाछन् । प्रतियोगितामा जम्मा २६ टिम सहभागी रहेको आयोजकले जनाएको छ ।

खेल माध्यमबाट युवाहरुको एकता अनुशासन र समाज परिवर्तनमा सदैव सकारात्मक सोचको बिकास होस भन्ने उदेश्यले प्रतियोगिताको आयोजना गरीएको कार्यक्रम संयोजक दिपेन सुहाङले जानकारी दिए ।

विजयी खेलाडीहरुलाई ६ नं वडाका वडाध्यक्ष यपप्रकाश मगरले नगद ट्रफि मेडल प्रदान गरेका थिए ।