धरान १३ मा चोरी भएको ब्याग खोज्दा अटोमेटिक पेस्तोल र ५ राउण्ड गोली भेटियो

छाल खवर
धरान,१९ मंसिर ः धरान १३ स्थित खानेपानी संस्थान नजिकै मदन आश्रित मार्गको ड्रेनमुनि अटोमेटिक पेस्तोल र ५ राउण्ड गोली फेला परेको छ ।

ड्रेनमुनि शंकास्पद झोला देखिएपछि स्थानीयले खवर गरेपछि इलाका प्रहरी कार्यालयको टोली पुगेपछि शंकास्पद पोको निकालेर हेर्दा सो सामाग्री फेला परेको हो ।

इलाका प्रहरी कार्यालय धरानका डिएसपी ज्ञानेन्द्र बस्नेतका अनुसार पेस्तोल कागजभित्र बेरिएको र कागजलाई कपडाले बेरिएको थियो ।

मेड इन यु.एस.ए. लेखिए पनि पेस्तोल भारतमा बनिने गरेको डिएसपी बस्नेतले बताए ।गोली पेस्तोल लोड नभएको अवस्थामा फेला परेको डिएसपी बस्नेतले जानकारी दिए ।उनले सो विषयमा अनुसन्धान भईरहेको समेत जानकारी दिए ।