धरानबाट खैरो हेरोइन कारोबारी पक्राउ

छाल खवर
धरान,२१ मंसिर ः खैरो हेरोइनको ओसारपसार तथा कारोबार गर्ने एक व्यक्तिलाई प्रहरीले धरानबाट पक्राउ गरेको छ ।

पक्राउ पर्नेमा सप्तरीको पकरी २ घर भई सुनसरीको इनरुवा नगरपालिका ३ बस्दै आएका ५२ बर्षीय राजकुमार सिंह रहेको प्रहरीले जनाएको छ ।

सिंहलाई शनिबार राती करिब ७ बजे धरान १० धनकुटे मार्गबाट पक्राउ गरिएको इलाका प्रहरी कार्यालय धरानले जनाएको छ ।

डिएसपी ज्ञानेन्द्र बस्नेतका अनुसार बुद्ध चोकबाट भोटेपुलतर्फ जाँदै गरेको स्कार्पियो रोकेर चेकजाँच गर्दा खैरो हेरोइन बरामद भएको हो ।

डिएसपि वस्नेतका उनका अनुसार बा १५ च ९०८८ नम्बरको गाडीमा ड्राइभर बस्ने सिटमा रेग्जीन (खोला) को पछाडितर्फ भित्री भागमा प्लाष्टिकको प्याकेटमा लुकाएर राखेको ७७ ग्राम खैरो हेरोइन बरामद भएको थियो ।

उनलाई लागुऔषध ओसार पसार मुद्दामा जिल्ला अदालतबाट ७ दिनको म्याद थप गरि अनुसन्धान भइरहेको छ ।