अवैध रुपमा भन्सार छलि गरी ल्याएका समानहरु बरामद

छाल खवर
विराटनगर,२१ मंसिर ःअवैध रुपमा भन्सार छलेर ल्याइएका कपडा, किचन आईटम तथा खाद्यान्न सामाग्रीहरु प्रहरीले बरामद गरेको छ ।

भारतियको जोगबनीबाट मोरङको विराटनगर–१६ दरैया नहरबाट अवैध रुपमा भन्सार छलेर ल्याएका सामानहरु प्रहरीले बरामद गरेको हो ।

बिशेष सुराकका आधारमा जिल्ला प्रहरी कार्यालय मोरङबाट खटिएको प्रहरी गस्ती टोलीले शनिवार बेलुका साढे ६ बजे करिव ९५ हजार २ सय ५० रुपैया बराबरको विभिन्न ब्राण्डका लत्ता कपडा तथा अन्य सामानहरु बरामद गरेको थियो । बरामद गरिएको सामानहरु भन्सार कार्यालय रानीमा बुझाइएको जिल्ला प्रहरी कार्यालय मोरङले जनाएको छ ।