झरना सहकारी आफ्नै भवनमा मुनाफा ३३ लाख गर्न सफल

छाल खवर
धरान,२४ मंसिर ः झरना बचत तथा ऋण सहकारी संस्था लिमिटेड धरानले ३३ लाख मुनाफा आर्जन गर्न सफल भएको छ ।

संस्थाले बुधवार आयोजना गरेको साधारण सभाको शुरुवात र भवन उद्घाटनमा प्रस्तुत गरीएको प्रतिवेदनमा सो मुनाफा गर्न सफल भएको जनाइएको हो ।

संस्थाका अध्यक्ष मानबहादुर मगरले आर्थिक वर्ष २०७६÷७७ मा आयकर अघिको जम्मा मुनाफा ३३ लाख ३९ हजार ५ सय ३८ रुपैयाँ १० पैसा आर्जन गर्न सफल भएको उल्लेख गरेकाछन् ।

संस्थाले आर्थिक वर्ष २०७६÷७७ मा ५३ करोड ३८ लाख ७९ हजार २ सय ७५ रुपैयाँ ६० पैसाको कारोबार गर्न सफल भएको प्रतिवेदनमा उल्लेख गरीएको छ ।

संस्थाका अध्यक्ष मगरले सहकारीमा हाल शेयरपूसेयर पूँजी मात्र ३ करोड ७ लाख १ हजार ३ सय रुपैयाँ रहेको बताएका छन् ।

प्रतिवेदनका अनुसार सहकारीले यसवर्ष निक्षेप संकलन मात्रै ३८ करोड २३ लाख ७३ हजार २ सय ८५ रुपैयाँ ५२ पैसा पुर्याउन सफल भएको छ ।

भवनको उद्घाटन राष्ट्रिय सहकारी बैंक लि.धरान शाखाका संयोजक तथा जिल्ला सहकारी संघ सुनसरीका वरीष्ठ उपाध्यक्ष एवम् धरान १५ नम्बर वडाका वडाअध्यक्ष नरेशकुमार इवारमले गरेका थिए ।

कार्यक्रममा बचत तथा ऋण सहकारी संघ लि.सुनसरीका अध्यक्ष शिवराज श्रेष्ठ, धरान ९ नंम्बर वडाका अध्यक्ष रत्न कटुवाल लगायतको उपस्तिथि रहेको थियो ।

झरना सहकारी धरानमा निकै लोकप्रिय रहेको छ । यहा धरानका अधिकांश व्यपारीहरुले कारोवार गर्ने गरेकाछन् ।