दुइतिहाईको सरकार गरीवमारा भएको खेलकुद विभाग अध्यक्ष–वस्नेतको आरोप

 छाल खवर
धरान,४ पुष ःनेपाली काँग्रेस केन्द्रीय खेलकुद विभागका अध्यक्ष मोहनबहादुर बस्नेतले दुई तिहाइको सरकार गरिबमारा रहेको आरोप लगाएकाछन् ।

खेलकुद क्षेत्र तथा सामाजिक क्षेत्रमा योगदान पु¥याउने व्यक्तित्वहरु तथा संघ ंसंस्थाहरुलाई नेपाली काँग्रेस केन्द्रीय खेलकुद विभागले धरानमा आयोजना गरेको सम्मान कार्यक्रममा बस्नेतले सो कुरा बताएका हुन् ।

उनले वर्तमान सरकारले जनहितमा कार्य गर्न नसकेको वताउदै कमिसन र भष्ट्राचारमा लिप्त रहेको आरोप लगाए ।

।कार्यक्रममा प्रदेश नम्वर १ का पूर्व प्रदेश प्रमुख गोविन्द सुब्बाले वर्तमान सरकार जनताको पक्षमा काम गर्नुभन्दा भ्रष्टाचार गर्न तल्लिन रहेको वताए ।

खेल क्षेत्र तथा समाजमा अहोरात्र खटेर कार्यगर्ने हरुका लागि प्रोत्साहन गर्नको लागि कार्यक्रमको आयोजना गरीएको कार्यक्रम संयोजक नेपाली कांग्रेस केन्द्रीय खेलकुद विभागका केन्द्रीय सदस्य किशोर राईले वताए ।

विभागले धरानबाट १३ औँ दक्षिण एसियाली खेलकुद प्रतियोगिता (साग)मा स्वर्ण तथा रजत पदक प्राप्त गर्ने खेलाडीहरू बास्केटबलतर्फ डा.आशा राई, तेक्वान्दो तर्फ युनिशा राईलाई नगद ५ हजार सहित सम्मान गरिएको थियो ।

सागमा स्वर्ण पदक प्राप्त गर्ने फुटबलतर्फ हेमन्त थापा मगर, गल्फतर्फ टङ्क कार्की ,शुक्रबहादुर राई र नीरज तामाङ , त्यसै गरी तेक्वान्दो तर्फ सिना मादेन, सुशीला राई र स्वस्तिका तामाङलाई जनही १० हजार नगदले सम्मान गरिएको छ ।

प्रशिक्षकहरूमा बास्केट बलतर्फ विकास रार्ई तेक्वान्दो तर्फ गोपाल राई र मदन राईलाई नगद हजार सहित सम्मानित भएका छन् ।

त्यसै गरी बक्सिङतर्फ अनुप लामा,टेबल टेनिस तर्फ विनोद शाक्य र कराते तर्फ दिपेश शाक्य सम्मानित भएका छन् ।

त्यसैगरी बिपी कोइराला स्वास्थ्य प्रतिष्ठान धरानकी नर्स पदमकुमारी लिम्बु ,कुचीकार गोविन्द मरिक र यातायात मजदुरतर्फ विकास राईलाई नगद ५ हजार सहिति सम्मान गरीएको थियो ।

विभागले सामाजिक क्षेत्रमा योगदान प्ु¥याउने संस्थाहरुलाई समेत सम्मान गरेको छ । नेपाल रेडक्रस सोसाइटी सुनसरी, धरान जेसिस,परिवार नियोजन सङ्घ,सञ्जीवनी पुनर्स्थापना केन्द्र धरान, लाइन्स क्लव धरान लगायतका संस्थाहरुलाई सम्मान गरीएको थियो ।

सोही अवसरमा काँग्रेसका योद्धा हेमलाल याङदेन लिम्बु, महिला अधिकारकर्मी मिना पुलामी मगरलाई विशेष सम्मान गरिएको थियो ।

प्रदेश १ का बास्केटबल खेलाडी प्रदीप गुरुङको उपचारका लागि नगद १० हजार प्रदान गरिएको छ ।

 ७७ पिन्ट रगत संकलन

कार्यक्रममा ७७ जनाले रक्तदान गरेका छन् ।

कोरोना महामारीको कारण देशैभर रगत अभाव भइरहेकले रक्तदान कार्यक्रमको आयोजना गरीएको खेलकुद विभाग सदस्य किशोर राईले जानकारी दिएकाछन् ।