उद्योग वाणिज्य महासंघको साधारण सभा स्थगित

छाल खवर
धरान,११ पुष ः व्यापारीहरुको छाता संगठनको रुपमा रहेको नेपाल उद्योग वाणिज्य महासंघ प्रदेश १ को साधारण सभा तथा निर्वाचन स्थगित भएको छ।

महासंघका कार्यकारी निर्देशक राधारमण भण्डारीले विज्ञप्ति प्रकाशन गरी साधारण सभा तथा निर्वाचन स्थगित गरेको जानकारी गराएका हुन ।

विराटनगरस्थित एक होटलमा शनिबारका लागि साधारणसभा तय गरीएको थियो ।

स्थानीय गर्ग प्रिन्टर्सका अन्ताज हुसेनले विराटनगरस्थित उच्च अदालतमा साधारण सभा तथा निर्वाचन नियम विपरीत रहेको जनाउँदै रिट दायर गरेपछि उच्च अदालतले शुक्रबार साधारणसभा स्थगित गर्न आदेश जारी गरेको थियो । अदालतको आदेशपछि महासंघले सोही दिन सूचना निकाल्दै कार्यक्रम स्थगित गरेको हो।

हुसेनले साधारण सभा एकमहिना अघि बोलाउनु पर्नेमा ९ दिनअघि मात्र महासंघले सूचना जारी गरेको भन्दै रिट दायर गरेका थिए ।

महासंघका कार्यकारी निर्देशक भण्डारीका अनुसार सूचना जारी अर्को सुचना नहुञ्जेलसम्मका लागि स्थगित गरिएको जनाएका छन् ।

केन्द्रको निर्वाचनको असर प्रदेशमा पनि रहेको वताईको छ । केन्द्रमा केही समय अघि भएको निर्वाचनमा किशोर प्रधान र चन्द्र ढकालको समूहवीच प्रतिष्पर्धा भएको थियो । ढकाल विजयी वनेका थिए ।सोही निर्वाचनको असर प्रदेशमा पनि भएको वताइएको छ ।