मुख्यमन्त्री राईले हटाए अर्थमन्त्री

छाल खवर
धरान,११ पुष ः आफै विरुद्ध अविस्वास प्रस्ताव ल्याउन लागेको र कार्यसम्पादन राम्रो नभएको आरोप लगाउदै प्रदेश १ का अर्थमन्त्रीलाई मुख्यमन्त्रीले हटाएकाछन् ।

प्रदेश नं १ का मुख्यमन्त्री शेरधन राईले आर्थिक मामिला तथा योजना मन्त्री इन्द्र आङ्बोलाई शनिवार पदबाट हटाएका हुन ।

मुख्यमन्त्री राईले कार्यसम्पादन राम्रो नभएको, मुख्यमन्त्री हटाउन चलखेल गरेको भन्दै आङवोलाई पदमुक्त गरेको मुख्यमन्त्रीका प्रेस सल्लाहकार ध्रुव सुवेदीले पुष्टि गरेकाछन् ।

कार्यसम्पादन चित्त बुझ्दो नभएको र मुख्यमन्त्रीविरुद्ध नै चलखेल भएकोले पदमुक्त गरिएको हो सुवेदीले वताएकाछन् ।
आङ्बो पुर्वमाओवादी खेमाबाट मन्त्री बनेका थिए । उनी पार्टी विभाजन हुँदा भने प्रचण्ड माधव समुहतिर लागेका छन् । मुख्यमन्त्रीविरुद्ध अविश्वासको प्रस्ताव ल्याउन र आफै मुख्यमन्त्री बन्ने दौडमा आङ्बो रहेको बताइएको छ ।

आइतवार मुख्यमन्त्री राई विरुद्ध अविस्वासको प्रस्ताव दर्ता हुने चर्चा चलिरहेको वेला मुख्यमन्त्री राईले अर्थमन्त्री आङ्वोलाई हटाएकाछन् ।