मुख्यमन्त्री राईविरुद्ध अविश्वासको प्रस्ताव दर्ता मुख्यमन्त्रीमा भीम आचार्यको नाम प्रस्ताव

छाल खवर
धरान,१२ पुष ः वाग्मति प्रदेशमा अविस्वासको प्रस्ताव पेस गरेर शुरु गरेको अविस्वास प्रस्ताव प्रदेश १ मा पनि दर्ता भएको छ ।

प्रधानमन्त्री केपी शर्मा ओली पक्षधर मानिएका प्रदेश १ का मुख्यमन्त्री शेरधन राई विरुद्ध आइतबार अविश्वासको प्रस्ताव पेस हुने भएको हो ।

नेकपाका अर्का अध्यक्ष पुष्पकमल दाहाल प्रचण्ड र नेता माधवकुमार नेपाल समूहले राईविरुद्ध अविश्वास प्रस्ताव दर्ता गरेको हो ।

मुख्यमन्त्री राईले शनिवार आफू विरुद्ध लागेको भन्दै अर्थमन्त्री इन्द्र आङ्वोलाई पदबाट हटाएका थिए ।तिनै आङवोको अगुवाईमा अविश्वासको प्रस्ताव दर्ता भएको हो ।

दाहाल र नेपाल समूहलाई प्रदेश १ मा सरकार बनाउन बहुमत पुग्ने देखिन्छ।

अधिकांश प्रदेशमा अविस्वास प्रस्ताव आउन लागेपछि राष्ट्रपतिबाट प्रदेश सभा विघटन हुन सक्ने खतरा समेत रहेको स्रोतको दावी रहेको छ ।

प्रतिनिधि सभा विघटन गरे जस्तै प्रदेश सभा पनि राष्ट्रपतिबाट विघटन हुने संभावना रहेको भनाई रहेको छ ।