संसद विघटनको विरोधमा कांग्रेसले वडाहरुमा प्रदर्शन गर्दै

छाल खवर
धरान,८ माघ ः संसद विघटनको विरोधमा तीन चरणमा आन्दोलनको घोषणा गरेको नेपाली कांग्रेसले आज वडास्तरमा प्रदर्शन गर्दै छ ।

नेपाली कांग्रेसले देशभरका ६ हजार ७ सय ४३ वडाहरुमा विरोध प्रदर्शन आयोजना गरिएको नेपाली कांग्रेसले जनाएको छ ।
संसद विघटनको कदमलाई असंवैधानिक र अलोकतान्त्रिक ठहर गरेर नेपाली कांग्रेसले पुस १३ गते १६५ निर्वाचन क्षेत्रमा, पुस २५ गते ३३० प्रदेशसभा निर्वाचन क्षेत्रमा तथा माघ ३ गते ७५३ पालिकाहरुमा विरोध प्रदर्शन गरिसकेको छ ।

तेस्रो चरणमा वडा स्तरीय प्रदर्शनमा पनि घरघरबाट सहभागिता जनाएर प्रभावकारी रुपले सफल बनाउन कांग्रेस सभापति शेरबहादुर देउवाले पार्टीका सबै कार्यकर्ता र कतन्त्रवादीहरुलाई अपील गरेका छन् ।

नेकपाको प्रचण्ड र नेपाल समूहको देशभर विरोध कार्यक्रम आयोजना गरेता पनि चरणवद्ध भने आयोजना गरेको छैन । तर नेपाली कांग्रेसले भने तल्लो तहसम्म विरोध कार्यक्रमको आयोजना गरेको छ ।