प्रथम वडाध्यक्ष कपको उपाधी जोरसखुवालाई

छाल खवर
धरान,१० माघ ः धरानमा जारी प्रथम वडाध्यक्ष रनिङ्ग कप फुटबल प्रतियोगिताको उपाधी जोरसखुवा क्लवले हात पार्न सफल वनेको छ ।

शनिवार भएको फाइनल खेलमा जोरसखुवाले वेब क्लवलाई १ शुन्य ०ले हराउदै उपाधी हात पार्न सफल वनेको हो ।

खेलको म्यान अफ दि म्याच जोरसखुवा क्लबका किपर ईसान राई घोषित भए । खेलको व्याक्तिगत बिधा तर्फ खेलमा वेब क्लवका रितेश निरौला बेस्ट किपर घोषित भए भने जोरसखुवाका प्रविन भुजेल वेष्ट डिफेन्स भए ।जोरसखुवा कै विजय राई मिडफिल्ड घोषित भए ।जोरसखुवाका जमिन लिम्वुले फरवार्डको उपाधी हात पारे ।

सर्वाधिक गोलकर्तामा जोरसखुवाका सरोज लकान्द्री घोषित भए भने जोर सखुवा कै श्रेन लामा उदियमान खेलाडी घोषित भए ।

प्रतियोगितामा प्रथम कप श्याम कुमार लिम्वुले सहयोग गरेका थिए भने प्रथम पुरस्कारको नगद हरीभक्त राई गरेका थिए ।

त्यसैगरी प्रतियोगिताको दोस्रो कपको जीवन राईले सहयोग गरेका थिए भने दोस्रो नगद भवन याक्खाले गरेका थिए ।
विजेता टिम जोरसखुवा क्लवले नगद १५ हजार सहित टफि मेडल हात पारेको छ भने उपविजेता वेब क्लवले नगद ७ हजार टफि मेडल हात पारेको छ ।

खेलाडीहरुलाई प्रोत्साहन गर्नको लागि धरान १६ का कार्यवाहक अध्यक्ष तथा कार्यक्रमका प्रमुख अतिथि सुरेस कुमार श्रेष्ठले विजेता क्लवलाई ६ हजार नगद र उपविजेता टिम वेबलाई ४ हजार नगद व्यक्तिगत रुपमा सहयोग गरेका थिए ।

समापन कार्यक्रमको अध्यक्षता क्लबका अध्यक्ष डिल्लि बहादुर भुजेल ले गरेका थिए ।