सडकबाटै संसद पुनस्थापित गराउँछौंः आचार्य

छाल खवर
धरान,१० माघ ः नेपाल कम्युनिष्ट पार्टी (नेकपा)का स्थायी कमिटी सदस्य तथा प्रदेश १ का इन्चार्ज भीम आचार्यले सडकबाटै संसद पुनस्थापित गराएरै छाड्ने दावी गरेकाछन् ।

धरानमा प्रचण्ड(नेपाल समूहको विरोध प्रदर्शनलाई सम्वोधन गर्दै आचार्यले सो दावी गरेका हुन् ।

आचार्यले जनताको बलिदानबाट स्थापित संविधानको रक्षाको लागि आफूहरु सडकमा आएको वताउदै वाहिर हल्ला गरे जस्तो कुर्सीका लागि नलडेको स्पष्ट पारेका थिए ।

‘उनले सडक आन्दोलनको वलमा संसद पुनस्थापित गराएरै छाने चेतावनि समेत दिएका थिए ।

जनघाति र अलोकतान्त्रिक कदम विरुद्ध आफूहरु डटेर लडने र सडकबाटै संविधानको रक्षा गरेरै छाडने उनले दावी समेत गरेका थिए ।

कार्यक्रममा नेकपाका १ नम्बर प्रदेशका सदस्य मुक्सामहाङ मेन्याङ्बोले संसद विघटन गरेर ओली सरकार भागेको आरोप लगाए ।

लाखौंलाख जनतामाथि विश्वासघात गरेको आरोप लगाउदै जनताले बनाएको संविधानलाई सरकारले निमोठेको उल्लेख गरेका थिए । उनले न्यायिक निकायले संसद पुनस्थापित गराउने दावी गरेका थिए ।

कार्यक्रममा बोल्दै जिल्ला सचिव रमेश बस्नेतले संसद विघटन गरेर देशलाई अस्थिरतातर्फ धकेलेको आरोप लगाउदै ‘संसद विघटन गर्ने अधिकार सरकारमा नरहेको स्पष्ट पारेका थिए ।

धरानस्थित पार्टी कार्यालय नजिक सिंहदेवी चोकबाट निस्किएको र्याली भानुचोकमा कोणसभामा परिणत भएको थियो ।