ओलीलाई साथ छोडदै विघटित सांसदहरु

छाल खवर
धरान,२८ माघ ः प्रतिनिधि सभा विघटन भएदेखि नै प्रधानमन्त्री केपी शर्माको पक्षमा खुलेर लागेकी विघटित प्रतिनिधि सभाकी सांसद समिना हुसेनले आफू असंवैधानिक कमद विरुद्ध नरहेको वताएकीछिन् ।

उनले मंगलवार विज्ञप्ति निकाल्दै आफू प्रधानमन्त्री केपी ओलीको संसद विघटन गर्ने असंवैधानिक कदमविरुद्ध रहेको बताएकी हुन् ।

संसद विघटनपछि केपी ओली पक्षमा खुलेकी हुसेनले उक्त समूह छाडेको सन्देश दिएका हुन्।

हुसेन नेकपाको समानुपातिक सूचीबाट सांसद भएका थिइन्। उनले प्रधानमन्त्री ओली पक्षले विभिन्न प्रलोभन दिने गरेकोले यस्ता झुटको खेतिमा नलाग्न र कुनै पनि प्रलोभनमा नपर्न कार्यकर्ताहरुसँग आग्रह समेत गरेकी छन्।

‘केपी ओली गुटले विभिन्न भ्रम सिर्जना गरी म जस्ता कार्यकर्तालाई विभिन्न कार्यक्रममा सहभागी गराउने षड्यन्त्र गरिरहेका छन्न म नेपाल कम्युनिष्ट पार्टी (नेकपा) का सम्पूर्ण कार्यकर्ता, मुस्लिम समुदाय मधेसी समुदाय, महिला र विशेषगरी प्रदेश २ र रौतहटवासी सम्पूर्ण श्रमजीवी जनताहरुमा निर्धक्कसँग सबै खाले भ्रम चिर्दै केपी ओलीको असंवैधानिक, अलोकतान्त्रिक कदमका विरुद्धमा चालिएका आन्दोलनहरुमा सहभागी हुन र सत्ताको कुनैपनि प्रकारको प्रलोभनमा नफस्न हार्दिक अनुरोध गर्दछु,’ उनले विज्ञप्तिमा भनेकी छन्।