कामना सेवा विकास वैंकद्धारा शैक्षिक सामाग्री वितरण

छाल खवर
धरान,४ फागुन ः सरस्वती पूजाको अवसरमा कामना सेवा विकास बैक इनरुवा शाखाले मंगलवार शैक्षिक सामाग्री बितरण गरेको छ ।

बैंकले सुनसरीको ‌‌इनरूवा १ स्थित चादँनी ‌प्राथामिक विद्यालयमा अध्ययनरत २५ जना बालबालिकाहरुलाई शैक्षिक सामग्री वितरण गरेको हो ।

कामना सेवा विकास बैंकका प्रदेश १ प्रमुख सुजन छाराहाङ राईले शैक्षिक सामग्री वितरण गर्नुभएको थियो ।

बैंकको संस्थागत सामाजिक उत्तरदायित्व कार्यक्रम अन्तर्गत उक्त विद्यालयका विद्यार्थीहरुलाई झोला, कापी, कलम, बिस्कुट तथा जुस वितरण गरेको हो ।

कामना सेवा विकास बैंकले सामाजिक उत्तरदायित्व अन्तर्गत काम गर्दै आएको छ । यस अघि धरान शाखाले लोकगायक सुरेश गन्धर्वलाई उपचार सहयोग गरेको थियो ।