केन्द्रीय प्रविधि क्याम्पस हात्तिसारमा तालाबन्दी

छाल खवर
धरान,१३ फागुन ः केन्द्रीय प्रविधि क्याम्पस हात्तिसारमा विद्यार्थीहरुले बुधवार तालावन्दी गरेकाछन् ।

विद्यार्थीहरुले आफ्ना मागको सुनुवाई नभएको भन्दै क्याम्पस प्रशासनमा तालावन्दी गरेका हुन् ।

विद्यार्थी संगठनहरुले संयुक्त बिज्ञप्ती जारी गर्दै प्रशासन समक्ष माग पत्र समेत वुझाएकाछन् ।

माग पत्र वुझाउदै तालावन्दी गर्ने विदार्थी संगठनहरुमा अनेरास्ववियू,नेपाल बिद्यार्थी संघ,समाजवादी बिद्यार्थी युनियनले रहेकाछन् ।

विद्यार्थीहरुले क्याम्पसमा अनेकन समस्याहरु रहेको अवस्थामा क्याम्पसले विआईटी संकाय थप्न खोजेको भन्दै आपत्ति समेत जनाएकाछन् ।

उनीहरुले आवश्यक छलफल समेत नगरी सो संकाय ल्याउन लागेको भन्दै तालाबन्दी गरेकाछन् ।

क्याम्पस प्रशासनले तालाबन्दीको बिषयलाई वेवास्ता गरी सो विषयमा कुनै पनि कार्य अगि बढाएमा संघर्षका थप कार्यक्रम घोषणा गरीने र त्यसबाट हुने क्षति स्वयम क्याम्पस प्रशासनले व्यहोनु पर्ने चेतावनि समेत विज्ञप्तिमा दिइएको छ ।

केन्द्रीय प्रविधि क्याम्पसको रुपमा स्थापित भएको क्याम्पसमा अन्य विषय समावेश गरेर क्याम्पसलाई वदनाम गराउन खोजेकोले आन्दोलन गर्नुपरेको अनेरास्ववियूका प्रतिनिधि किरण निरौलाले वताएकाछन् ।