धरानको पार्टी कार्यालयमा नेकपा एमालेको बोर्ड

छाल खवर
धरान,२५ फागुन ः सर्वोच्च अदालतले नेपाल कम्युनिष्ट पार्टी (नेकपा)लाई खारेज गरेपछि धरानमा पुनः साविक एमालेको पार्टी कार्यालयमा बोर्ड स्थापना भएको छ।

पुरानो नेकपा एमालेको पार्टी कार्यालयबाट सुचारु हुँदै आएको नेकपाको कार्यालयलाई एमालेको नयाँ कार्यालय बनाइएको हो।

सर्वोच्च अदालतले केपी शर्मा ओली र पुष्पकमल दाहाल (प्रचण्ड)ले नेतृत्वको नेकपा खारेज गरेपछि धमाधम एमाले कार्यालय स्थापना र साइन वोर्ड स्थापना गर्ने अभियान शुरु भएको हो ।

सर्वोच्च अदालतले साबिक नेकपा एमाले कायम रहेको फैसला गरीदिएपछि धरानमा पार्टी कार्यालयमा नयाँ बोर्ड राखिएको हो ।

अदालतको फैसलाले नेकपा एमाले र माओवादी केन्द्र बिचको एकताबाट बनेको नेपाल कम्युनिस्ट पार्टी (नेकपा) खारेज भएपछि दुवै पक्षले आफ्नो पार्टीको संरचना निर्माणमा जुटन थालेकाछन् ।

एमालेले साविकको पार्टी कार्यालयमा आफ्नो साइनवोर्ड राख्ने अभियानलाई निरन्तरता दिन थालेको छ ।

अदालतको फैसलापछि विगतका घटनाक्रमलाई समिक्षा गरी आफ्नो पार्टीको सांगठनिक संरचनालाई मजवुत वनाउदै लाने वताउदै आएकाछन् ।