नेपाल समूहद्धारा प्रदेश १ को मुख्यमन्त्री विरुद्धको अविस्वासको प्रस्ताव फिर्ता

छाल खवर
धरान,१७ चैत ः प्रदेश नं. १ का मुख्यमन्त्री विरुद्धको अविस्वासको प्रस्ताव मंगलवार फिर्ता भएको छ ।

तत्कालिन नेपाल कम्युनिष्ट पार्टी (नेकपा)ले मुख्यमन्त्री शेरधन राई विरुद्ध पेस गरेको अविस्वास प्रस्ताव मंगलवार(आज) फिर्ता भएको हो ।

नेपाल कम्युनिष्ट पार्टी (एमाले) र नेपाल कम्युनिष्ट पार्टी (माओवादी केन्द्र)वीच एकिकरण भई वनेको नेकपालाई सर्वोच्च अदालतले अलग हुने फैसला गरेको थियो ।

फैसलापछि नेकपा एमालेका संसदहरुले मंगलवार अविस्वासको प्रस्ताव फिर्ता दिएका हुन् ।

मुख्यमन्त्री राई विरुद्ध तत्कालिन अर्थमन्त्री इन्द्र आङ्वोको सकृयतामा ३७ जना संसदहरुले अविस्वासको प्रस्ताव संसद सचिवालयमा पेस गरेका थिए ।अविस्वासको प्रस्तावका विषयमा छलफल नभएपछि यो विषय थाति रहेको थियो ।

९३ जना संसद रहेको प्रदेश नं १ मा एमालेको एकल वहुमत रहेको छ ।प्रदेश नं १ मा एमालेका ५१ जना संसद रहेकाछन् ।