इन्द्र बराह मेमोरियल गल्फ प्रतियोगिता आयोजना हुने

  छाल खवर
धरान,३० चैत ः धरान गल्फ क्लबको आयोजनामा सञ्चालन हुदै आएको इन्द्र बराह मेमोरियल एमेच्योर ओपन गल्फ प्रतियोगिता वैशाख पहिलो सातादेखि हुने भएको छ ।

धरान गल्फ क्लबको आयोजनामा हुदै आएको यस पटकको छैटौ इन्द्र बराह मेमोरियल एमेच्योर ओपन गल्फ प्रतियोगिता वैशाख ४ गतेदेखि हुने भएको हो ।

गल्फ क्लवका पूर्व सदस्य समेत रहेका वराह ज्वेलरीका परिकल्पनाकार स्व. इन्द्र कुमार लामिछानेको स्मृतिमा प्रतियोगिता आयोजना हुदै आएको छ ।

क्लवले पत्रकार सम्मेलनमा दिएको जानकारी अनुसार प्रतियोगिता विपि कोइराला स्वास्थ्य विज्ञान प्रतिष्ठानको हाता भित्र रहेको धरान गल्फ कोर्षमा हुने क्लवका अध्यक्ष टीका लिम्बूले जानकारी दिएकाछन् ।

प्रतियोगितामा प्रदेश नं. १ लगायत काठमाडौ, पोखराका गरी पुरुष तर्फ ४० र ३ महिला गरी ४३ जना सहभागी हुने आयोजकले जनाएको छ ।

प्रतियोगितालाई बराह ग्रुपले प्रायोजन गरेको छ ।

। धरान खेलक्षेत्रको राजधानी भएको र यस्ता खेलकुद प्रतियोगिताले गल्फ खेलको विकासमा टेवा पुग्नुका साथै खेलाडी उत्पादनमा सहयोग पुग्ने आयोजक धरान गल्फ क्लबका कोषाध्यक्ष राजु राइ दावी गरेकाछन् ।

गल्फ खेलको विकासका लागी बराह ग्रुपले प्रायोजन गर्दै आएको छ । बराह ग्रुपका अध्यक्ष शिव लामिछानेले स्व. बुवा इन्द्रकुमार लामिछानेले खेल क्षेत्रमा राख्नु भएको अभिरुचिलाई सम्मान गर्न र खेलाडीहरुलाई अवसर प्रदान गर्नको लागि प्रतियोगितालाई सहयोग गर्दै आएको वताए ।

यो प्रतियोगिता पूर्वको एकमात्र धरानमा आयोजना हुदै आएको छ ।