पुरस्कार राशिबाट ज्येष्ठ नागरिक र बालबालिकाको भवन

छाल खवर
धरान,१९ वैशाख ःपहिलो पटक आफ्नो वडालाई बालमैत्री वडा घोषणा गरेको धरान उपमहानगरपालिका वडा नं.१३ ले जेष्ठ नागरीक र बालबालिकाहरुको लागि भवन पनि पहिलो पटक निर्माण गरेको छ ।

वडा कार्यालय परिसरमा निर्माण गरीएको ज्येष्ठ नागरिक तथा वडा बाल सञ्जालको भवन एक कार्यक्रमका बीच नगर प्रमुख तिलक राईले उद्घाटन गरेका थिए ।

वडा नं १३ का वडाध्यक्ष नेत्रप्रसाद काफ्लेका अनुसार १४ लाखको लागतमा निर्माण भएको सो भवन निर्माणका लागि धरान उपमहानगरपालिका सामाजिक विकास समितिबाट ४ लाख ८० हजार, बालमैत्री वडा घोषणा गरेबापतको प्राप्त पुरस्कार ५ लाख र वडाका विभिन्न सहयोगी (समाजसेवी) दाताहरुबाट ४ लाख २० हजार रुपैयाँ संकलन भएको थियो ।

नवनिर्मित भवनमा ज्येष्ठ नागरिक र बालबालिकालाई एकै थलोमा राखेर ज्येष्ठ नागरिकबाट बालबालिकालाई पुराना संस्कार, संस्कृति, रीतिरिवाजजस्ता कुराहरुको पुस्ता हस्तान्तरणको अभियान चलाइने वडा अध्यक्ष काफ्लेको भनाई रहेको छ ।