डकैतीमा संलग्न ३ जना पक्राउ

छाल खवर
धरान,२६ वैशाख ःसाताअघि धरान १५ मा डकैटी गरी एक वृद्धको हत्या गरी नगद समेत लुटेर फरार भएको आरोपमा प्रहरीले ३ जनालाई पक्राउ गरेको छ ।

इलाका प्रहरी कार्यालय धरानले दिएको जानकारी अनुसार घटनामा संलग्न हुनेहरुमा मोरङको पथरी ३ घर भई हाल धरान १५ सुनगाभा मार्ग बस्दै आएका ३८ बर्षीय सन्षोष भन्ने वीरवहादुर परियार, पथरी शनिश्चरे ५ पिपलडाँडा घर भई हाल धरान १० पुतली लाईन बस्ने ३५ बर्षीय सोनी राई र धरान १३ अमरहाटका २९ बर्षीया लक्ष्मी लिम्बु रहेकाछन् ।

उनीहरुले डकैती गरिएको गहनाहरु सोनी राईको बहिनी नाता पर्ने लक्ष्मी लिम्बुलाई लुकाएर राख्न दिएको प्रहरी अनुसन्धानबाट खुलेको थियो ।

उनको कोठामा खानतलासी गर्दा लुकाएर राखेको अवस्थामा सुनको गरगहना बरामद गरिएको जिल्ला प्रहरी कार्यालयले जनाएको छ ।

वैशाख ११ गते बिहान करिब साढे ११ बजे धरान–१५ स्थित पूर्वेली पथमा घरमा एक्लै बसिरहेको बेला लुटेराको समुहले ८४ बर्षीय वृद्धा गोविन्द माया विश्वकर्मालाई टाउको लगायत शरीरको विभिन्न भागमा धारिलो हतियार प्रहार गरि गम्भीर घाइते बनाएका थिए ।

सो समूहले नगद २ लाख, घरमा रहेको नौगेडी, चुरा, सिक्री, जन्तर लगायत गरगहनासमेत गरि ११ लाख ४० हजार ९ सय ५० बराबरको धनमाल डाका गरेको पीडित परिवारले जनाएको छ ।