सफल युवा व्यवसायी प्रभाव खतिवडा नेपाली काँग्रेसको यातायात तथा जलश्रोत विज्ञमा नियुक्त

छाल खवर
धरान,१७ जेठ ः धरान क्षेत्रमा रहेर सफल व्यवसायिकको पहिचान वनाउन सफल युवा व्यवसायी प्रभाव खतिवडा नेपाली काँग्रेस केन्द्रीय नीति, अनुसन्धान तथा प्रशिक्षण प्रतिष्ठानको यातायात तथा जलश्रोत विज्ञमा नियुक्त हुनु भएको छ ।

नेपाली कांग्रेसका उपसभापती एवम् केन्द्रीय नीति, अनुसन्धान तथा प्रशिक्षण प्रतिष्ठानका प्रमुख विमलेन्द्र निधीले खतिवडालाई नियुक्त गरेका हुन्।

नेपाली काँग्रेसको विधान २०१७ को (संशोधन सहित) को ३६ (१) को ङ अनुसार खतिवडा नियुक्त हुनु भएको प्रतिष्ठानले जानकारी दिएको छ।

धरान१४ का स्थायी वासिन्दा विजयपुर निवासी खतिवडा धरानको एकमात्र प्राइवेट हस्पिटल विजयपुर हस्पिटलका सञ्चालक, यमाहा सोरुम धरानका प्रोप्राइटर तथा सुनसरी उद्योग वाणिज्य सङ्घ धरानका कार्यसमिति सदस्य हुनुहुन्छ ।
उहाँ नेपाली काँग्रेस सुनसरी क्षेत्र नं १ का सदस्य समेत हुनुहुन्छ ।