सुनसरी जिल्लामा धरानलाई सवैभन्दा बढी बजेट

छाल खवर
काठमाडौं,१९ जेठ सरकारले आर्थिक वर्ष २०७८÷०७९ का विनियोजन गरेको बजेटमा जिल्लाका १२ पालिका मध्ये धरानलाई सवैभन्दा वढी बजेट बिनियोजन गरेको छ ।

जिल्लाका १२ वटा पालिका मध्ये धरान उपमहानगरपालिकालाई सबैभन्दा बढी बजेट विनियोजन गरीएको हो ।

आ.व. २०७८÷७९ को बजेट भाषण मार्फत सुनसरी जिल्लाका १२ वटा पालिकामा बजेट विनियोजन गरेकामा धरानले सबैभन्दा बढी पाएको हो ।

धरान उपमहानगरपालिकालाई ८६ करोड ७७ लाख बजेट दिइएको छ ।

इटहरी उपमहानगरपालिकालाई ८२ करोड ४३ लाख बजेट छुट्याइएको छ ।

विनियोजित बजेटमा इनरुवा नगरपालिकालाई ४६ करोड ३९ लाख पठाइएको छ भने दुहबी नगरपालिकालाई ४४ करोड ३० लाख छुट्याइएको छ ।

त्यसैगरी बराहक्षेत्र नगरपालिकालाई ६२ करोड ५६ लाख र रामधुनी नगरपालिकालाई ४२ करोड ८४ लाख बजेट विनियोजन गरिएको छ ।

त्यस्तै हरिनगरा गाउँपालिकालाई ३७ करोड ६५ लाख, कोशी गाउँपालिकालाई ३२ करोड ७८ लाख, देवानगन्ज गाउँपालिकालाई ३१ करोड ९४ लाख बजेट,भोक्राहा नरसिंह गाउँपालिकालाई ३१ करोड १९ लाख,गढी गाउँपालिकालाई २९ करोड ९४ लाख बजेटपठाइएको छ । बर्जु गाउँपालिकालाई २९ करोड ८७ लाख, बजेट छुट्याइएको छ।

अर्थमन्त्री बिष्णु पौडेलले बजेट चालू खर्च, पुजिगत खर्च, न्युनतम अनुदान, शुत्रमा आधारित अनुदान, विशेष अनुदान शिर्षक सहित बजेट छुट्याएको हो ।

अन्य पालिकाको तुलनामा धरानलाई वढी रकम विनियोजन गरेर सरकारले धरानलाई केही मात्रामा भएपनि राहत प्रादन गरेको छ ।