पाच लाख भन्दा बढी नगद सहित लागूऔषधमा सम्लग्न ४ पक्राउ

छाल खवर
धरान,१५ असार ः
झापाको दमकबाट लागुऔषध कारोवारमा संलग्न भएको आरोपमा प्रहरीले ४ जनालाई पक्राउ गरेको छ ।

पक्राउ पर्नेमा गौरादह ५ वालुवथानका २६ बर्षीय विवेक लिम्वु , २२ बर्षीय शौरभ राई, ईलाम चुलाचुली ४ घर भई हाल दमक ५ मा बस्ने ३१ बर्षीय विक्रम राई र ३७ बर्षीय जेम्स भन्ने खगेन्द्र सावा रहेकाछन् ।

उनीहरुको साथबाट पाँच लाख चौध हजार तीन सय नगद सहित पक्राउ गरिएको प्रहरीले जनाएको छ ।

बिक्रम र खगेन्द्रलाई सोधपुछ गर्दा ईलामको घरमा लागूऔषध लुकाई राखेको भन्ने खुल्न आएकोले उनिहरुको घरमा गई खानतलासी गर्दा बिक्रमको कोठाबाट लागूऔषध ५ ग्राम र खगेन्द्र सावाको कोठाबाट ब्राउन सुगर २ ग्राम ३०० मिलिग्राम बरामद गरेको हो ।

सोमवार दिउसो दमक–६ थाना रोडबाट ईलाका प्रहरी कार्यालय दमकबाट खटिएको प्रहरी टोलीले चेकजाँच गर्ने क्रममा उनीहरुलाई पक्राउ गरेको थियो ।

उनीहरुको वारेमा थप अनुसन्धान भईरहेको प्रहरीले जनाएको छ ।