नयाँ विषयका साथ शैक्षिक कार्यक्रम सञ्चालन गर्दै युएन नवोदय कलेज यस वर्ष प्लस टु लेवलमा साइन्स,कम्प्युटर साईन्स र फुड एण्ड न्युट्रेसन विषय थप

छाल खवर
धरान,१९ असार ः होटल मेनेजमेन्ट विषयमा प्रदेश नम्बर १कै उत्कृष्ट नजिता लाई छुट्टै पहिचान बनाउन सफल युएन नवोदय कलेजले यसै शैक्षिक सत्रमा प्लस टु लेवलमा नया विषयहरु सञ्चालनमा ल्याउने भएको छ ।

कलेजले शनिवार पत्रकार सम्मेलन गरी कलेजले सञ्चालन गर्ने नया विषयका वारेमा जानकारी गराएको हो ।

पत्रकार सम्मेलनमा कलेजका प्रार्चाय डम्वर कुमार तुम्बापोले यस वर्ष प्लस टु लेवलमा साइन्स,कम्प्युटर साईन्स र फुड एण्ड न्युट्रेसन विषय थप सञ्चालनमा आउन लागेको जानकारी दिनुभयो ।

युएन नवोदय कलेज प्रदेश नं १ एसईई टपरहरुको छनौटमा पर्न सफल हुदै आएको कलेज हो । कलेजबाट गतवर्षहरुमा होटल मेनेजमेन्ट प्लस टु , व्यवस्थापन संकाय,विविएस र विएचएममा प्रदेश प्रथम,प्रदेश द्धितीय स्थान हात पार्दै आएकाछन् ।

सीमित विद्यार्थी गुणस्तरीय शिक्षा कलेजको लक्ष्य रहेको क्याम्स प्रमुख तुम्बापोको भनाई रहेको छ ।धरानलाई शैक्षिक हबको रूपमा विकास गर्नको लागि आफूहरु लागि परेको कलेजको भनाई रहेको छ ।डाक्टर इन्जिनियर सहित कक्षा सञ्चालन गरीने पनि कलेजले जानकारी दिएको छ ।

साइन्सको वेस भनेको स्वास्थ्य विज्ञ उत्पादन भएकोले त्यसलाई पुरा गर्र्न सक्ने दक्ष जनशक्ति उत्पादनममा लाग्ने कलेजको दावी रहेको छ ।

राष्ट्रिय तथा अन्तर्राष्ट्रिय बजारमा प्रतिस्पर्धा गर्न सक्ने र राष्ट्रलाई चाहिने दक्ष जनशक्ति उत्पादन गर्नका लागि गुणस्तरीय र व्यावहारिक शिक्षामा जोडदिनु नै कलेजको लक्ष्य रहेको वताईको छ ।

अभिभावक र विद्यार्थीहरुको यस अघिका विश्वासलाई कायम राख्दै अझै विद्यार्थीहरु र अभिभावकहरुमा थप सामिप्यता बढाउदै अघि वढने कलेजले जनाएको छ ।

गुणस्तरीय शिक्षामा कसैसँग सम्झौता नगर्ने कलेजका अध्यक्ष ज्ञानेश्वर झा को भनाई रहेको छ ।