नौलो बस्ती जोगाउन किशोर राईको सहयोग

छाल खवर
धरान,२५असार ः नेपाली कांग्रेसका जिल्ला सदस्य तथा धरानका पूर्व नगर सभापति,समाजसेवि किशोर राईले वस्ति संरक्षणका लागि तारजाली प्रदान गरेकाछन्

राईले शनिवार धरान–१६ स्थित नौलो बस्तीमा पुगेर खोला कटान नियन्त्रणका लागि तारजाली दिएका हुन् ।

राईले बस्तीमै पुगेर स्थानीयलाई ३६ थान तारजालीर त्यसमा ढुंगा भर्नका लागि नगद १० हजार नगद समेत प्रदान गरेका थिए । तारजाली पाए पश्चात स्थानीय उत्तम कार्कीले किशोर राईलाई धन्यवाद दिदै वस्ति संरक्षणमा केही मात्रामा भएपनि टेवा पुगेको वताए ।

धरानका खोला स्थायी रुपमा तटबन्धन गरेर बस्ती सुरक्षित गर्नुपर्ने राईले जोडदिएकाछन् ।

राईले आफुले सकेको सहयोग धरानबासीकालागी सधै गरिरहने प्रतिबद्धता व्यक्त गरेकाछन् ।

राईले कोरोना संक्रमणका कारण लकडाउन भएको समयमा पनि खोला किनारका विपन्न परिवारलाई राहत वितरण गर्नुका साथै विपन्न वस्तिमा स्वास्थ्य सामाग्री वितरण गरेका थिए भने निःशुल्क एम्वुलेन्स सेवा समेत सञ्चालन गरेका थिए ।

सर्दु खोलाले कटान गर्न थालेपछि स्थानीयबासी चिन्तित बनेका छन् । वर्षेनी खोलामा आउने वाढीले वस्तिलाई क्षति गर्ने गरेको छ । स्थायी तटवन्ध निर्माणमा स्थानीय निकायले खासै चासो दिने गरेको छैन ।