१० बुँदे सहमतिलाई सबैले इमान्दारीपूर्वक कार्यान्वयन गर्न भीम आचार्यको सुझाव

छाल खवर
काठमाडौं,२८ असारः नेकपा एमालेका केन्द्रीय सचिव भीम आचार्यले १० बुँदे सहमतिलाई इमान्दारिताका साथ कार्यान्वयन गर्नुपर्ने बताएका छन् ।

केही समयदेखि पार्टी एकताका पक्षमा खटिएका आचार्यले कार्यदलले तयार गरेको १० वुँदे सहमतिालाई अक्षरंश कायान्वयन गर्दै पार्टी एकता जोगाउनु पर्ने वताएका हुन् ।

आइतवार राति ओली र नेपाल पक्षको कार्यदलस्तरमा भएको सो सहमतिप्रति आफू सन्तुष्ट रहेको आचार्यले वताएकाछन् ।

आचार्यले १० वु‘दे सहमति नेकपा एमालेको भविष्य,स्थायित्व, वामपन्थी आन्दोलन, जनता, राष्ट्र सबैको लागि अपरिहार्य रहेको र त्यसप्रति आफू पूर्ण सन्तुष्ट रहेको उल्लेख गरेकाछन् ।

सहमतिको पालना सबैले इमान्दारितापूर्वक गर्ने अपेक्षा लिएको समेत उनको भनाई रहेको छ । कसैको नियतप्रति म शंका गर्न चाहन्न । सबैले इमान्दारितापूर्वक पालना गर्नु होला भन्ने अपेक्षा मैले राखेको छु आचार्यले भने । १० बुँदे सहमतिमा कसको के नियत छ भन्नेतिर नजान उनले नेता–कार्यकर्ताहरुलाई आग्रह गरेकाछन् । 

अध्यक्ष केपी शर्मा ओली र नेता माधवकुमार नेपाल पक्षका पाँच–पाँच जना नेताहरु सम्मिलित कार्यदलले १० बुँदे सहमति जुटाएको थियो ।

कार्यदलमा अध्यक्ष ओली पक्षबाट सुवास नेम्वाङ, विष्णु पौडेल, प्रदीप ज्ञवाली, शंकर पोखरेल र विष्णु रिमाल तथा नेपाल पक्षबाट भीम रावल, घनश्याम भुसाल, सुरेन्द्र पाण्डे, गोकर्ण विष्ट र रघुजी पन्त सदस्य थिए ।

यो सहमतिले मुलुकभरका नेता तथा कार्यकर्ताहरु उत्साहित वनेकाछन् । कार्यकर्ताहरुले छिदै खुशीयालीका साथ घरघरमा दिपावलि मनाउन पाइने आसा रहेको वताएकाछन् ।