कांग्रेसका नेता पौडेलका परिवार कोरोना संक्रमित

छाल खवर
धनकुटा ९ साउनः नेपाली कांग्रेस धनकुटाका नेता विष्णु पौडेल सहित उनको तिन जना सदस्य कोरोना संक्रमित वनेकाछन् ।

पौडेल परिवार अहिले होम आईशोलेसनमा उपचार गराईरहेको नेपाली कांग्रेस धनकुटाले जनाएको छ ।

शनिवार पौडेल परिवारको स्वास्थ्य स्थितिको वारेमा नेपाली कांग्रेस धनकुटाले जानकारी लिएको नेपाली कांग्रेस धनकुटाका जिल्ला सचिव विजय सन्तोषी राईले जानकारी दिएकाछन् ।

तिन दिन देखी कोरोना संक्रमित भई जिल्ला सदस्य विष्णु पौडेल र उनको पिता र जेष्ठ सुपुत्र होम आईशोलेसनमा उपचारत रहेकाछन् ।

पौडेल परिवारको स्वास्थ्य अवस्था सामान्य रहेको सचिव राईको भनाई रहेको छ ।

नेपाली कांग्रेस धनकुटाका नेता तथा कार्यकर्ताहरु गरी अहिले सम्म १ सय १६ जना कोरोना संक्रमित भएको र अधिकांश कोरोना मुक्त भएको राईको भनाई रहेको छ ।

सचिव राईका अनुसार अहिले ११ जना आईशोलेसन तथा होम आईशोलेसनमा उपचार गराईरहेका र ५ जनाको कोरोना संक्रमणका कारण निधन समेत भएको छ ।