एमालेका नौ नेताको माधव नेपाललाई संयुक्त अपिल

छाल खवर
काठमाडौं,४ भाद्र ः नेकपा एमालेका प्रभावशाली नौ नेताहरुले वरिष्ठ नेता माधव कुमार नेपाललाई पार्टी पार्टी नछाडन अपिल गरेकाछन् ।

उनीहरूले १० बुँदे सहमति अक्षरंश कार्यान्वयन गर्नुपर्ने लगायतको विषय राखेर उनीहरुले अपिल गरेका हुन् ।

अपिल लेख्ने जिम्मा विगतमा पार्टीभित्रको अन्तरद्धन्द्ध अन्त्यका लागि गठन गरिएको विवाद समाधान कार्यदलका सदस्य समेत रहेका एमालेका उपाध्यक्ष डा. भीमबहादुर रावलले पाएका थिए ।

उनीहरूले अपिलमा २७ जेठमा भएको १० बुँदे सहमतिको माइन्यूटमा त्यसलाई कसरी अगाडि बढाउने भन्ने उल्लेख गरिएको सोही अनुसार एमाले अध्यक्ष केपी शर्मा ओलीले अघि बढाउनु पर्नेउल्लेख गरेकाछन् ।

उनीहरुले १४ सांसद माथिको कारबाही फिर्ता हुनुपर्ने र माधवकुमार नेपालले नयाँ पार्टी दर्ताको प्रक्रियाबाट पछि हट्नु पर्ने कुरा उल्लेख गरेकाछन् ।

त्यसैगरी एमाले विभाजनका लागि ल्याइएको अध्यादेश खारेज गर्न सरकारलाई अपिल मार्फत आग्रह गरिएको छ ।

वरिष्ठ नेता माधव कुमार नेपालले निर्वाचन आयोगमा नेकपा एमाले (समाजवादी) नामको दल दर्ताका लागि आवेदन दिएपछि करिव पार्टी विभाजनको अन्तिम तयारीमा रहेको छ । यस अघि नेपाल समूहमा रहेका प्रमुख नेताहरु पार्टी एकताको पक्षमा उभिएका छन् ।