कोरोना महामारीबाट जनतालाई बचाउने सरकारको पहिलो प्राथमिकता नव नियुक्त मुख्यमन्त्री– आचार्य

  • भदौ १०, २०७८
  • २,४०२ पटक पढिएको
  • छाल खबर
alt

छाल खवर
धरान,१० भाद्र ः प्रदेश १ का नव नियुक्त मुख्यमन्त्री भीम आचार्यले कोरोना महामारीबाट जनतालाई जोगाउने प्रदेश सरकारको पहिलो प्राथमिकता रहेको बताउनु भएको छ ।

विराटनगरमा मुख्यमन्त्रीको शपथग्रहणपछि बोल्दै आचार्यले सो कुरा बताउनु भएको हो ।

आचार्यले छिटै नै मन्त्रिमण्डल विस्तार गरी सरकारको पूर्णता दिने जानकारी दिनुभयो ।

239741458_616487396201605_4484967321282613304_n

पार्टी एकता जोगाउनका लागि र आगामी दिनमा कुनै समस्या नदेखियोस् भन्नका लागि आफूले चुनौतिकाबीच मुख्यमन्त्रीको जिम्मेवारीवहन गरेको उहाँको भनाइ थियो ।

संविधानमा एक महिनाको अवधिमा बहुमत हासिल गर्नुपर्ने चुनौतिका सन्दर्भमा मुख्यमन्त्री आचार्यले लोकतन्त्र र स्थायित्वको पक्षधर दलसँग छलफल गरि अघि बढ्ने उल्लेख गर्नुभयो ।

प्रदेश सरकारको बहुमतका लागि ४७ जनाको संख्या आफ्नै पार्टीभित्रबाट पुर्‍याउनेमा ढुक्क रहेको बताउनुभयो ।

उहाले जनताको आसा र अपेक्षा बमोजिम सरकारले काम गर्ने प्रतिवद्धता समेत जनाउनु भएको छ ।

को हुन मुख्यमन्त्री 
२०१६ साल वैशाख १४ गते जन्मिएका भीम आचार्य धनकुटाको साविकको तेलिया गाविसको वडा नम्बर ६ मा जन्मिएका हुन् । अहिले उनी ईनरुवा नगरपालिका(६ सुनसरीमा बस्छन् ।

व्यवस्थापनमा स्नातकोत्तर गरेका आचार्यले विद्यार्थीकालबाटै राजनीति सुरु गरेका हुन् । खासगरी २०३२ सालको विद्यार्थी आन्दोलनबाट उनी विद्यार्थी राजनीतिमा होमिएका हुन् ।

२०३५र३६ को विद्यार्थी आन्दोलनमा उनी व्यापक सक्रिय भए । २०३६ सालमै इन्जिनियरिङ अध्ययन संस्थानको स्ववियू सचिवमा विजयी भएका आचार्य २०३८ सालमा तत्कालीन मालेको युथ लिगको सचिवहुँदै लैनचौरको सरस्वती क्याम्पसको स्ववियू सचिव भए ।

bhim-aacchrya-paddvar_1

२०३९ सालमा उनी अनेरास्ववियूको केन्द्रीय महासचिव भए । २०४१ सालतिर उनी ११ पटक पञ्चायती सत्ताबाट थुनिए । दुई वर्ष जेलजीवन बिताए ।

२०४६ सालमा तत्कालीन मालेले बनाएको ‘प्रजातान्त्रिक आन्दोलन समन्वय समिति’को समेत सचिव भएर उनले जिम्मेवारी निर्वाह गरे । बहुदल स्थापनापछि २०४७ देखि २०५५ सम्म एमाले सुनसरीको सचिव भए । त्यतिबेला एमालेको सचिव पद कार्यकारी थियो ।

२०५४ सालमा नेपालगञ्जमा भएको एमाले छैटौँ महाधिवेशनबाट उनी केन्द्रीय सदस्य चयन भए । २०५७ सालदेखि २०५८ सम्म उनी केन्द्रीय पार्टी कार्यालयको सचिव भए ।

२०५८ देखि २०६५ सालसम्म एमाले कोशी अञ्चल इन्चार्ज भएका उनी संविधानसभा सदस्य हुँदै २०६५ देखि २०६९ सालसम्म एमाले संसदीय दलको प्रमुख सचेतक भए ।

२०७० सालमा गठित सुशील कोइराला क्याबिनेटमा संस्कृति, पर्यटन तथा नागरिक उड्यनमन्त्रीको जिम्मेवारी सम्हालेका आर्य एमालेको नवौं महाधिवेशनबाट सचिवमा निर्वाचित भए । हाल उनी प्रदेश १ को इन्चार्ज छन । र, बिहीबारदेखि उनी प्रदेश १ को दोस्रो मुख्यमन्त्री हुन सफल भएका छन् ।

तत्कालीन एमालेका वरिष्ठ नेता झलनाथ खनाल र भीम आचार्यलाई नातेदार पनि भन्ने गरिन्छ । पारिवारिक सम्वन्धका कारणमा विगतमा एमालेका हरेक गुटगत क्रियाकलापमा आचार्यले खनाललाई बलियो साथ दिँदै आए ।

त्यसो त एमालेको पछिल्लो विवादमा आचार्य र खनाल दुवै माधव नेपाल समूहमा थिए । तर, पछिल्लो विकासक्रमसँगै आचार्यसहित एमालेको मध्यमार्गी समूह मुलधारमा मिसियो । उपचारका क्रममा दिल्लीमा रहेका खनालले भने उतैबाट नवगठीत एकीकृत समाजवादी पार्टी रोजेका छन् ।

 

 

 

 

 

 

 

 

 

सुनाखरी एकेडेमीमा ६५ जनाले दिए प्रवेश परीक्षा

छाल खवरधरान,१९ असार –सुनाखरी एकेडेमी धरानले बिहीवार कक्षा–११ मा ...

हिविस्कस इङ्लिस बोर्डिङ स्कुल, धरान–१५ अनुशासन, गु

धरान, शिक्षा र संस्कृतिको केन्द्र मानिने सहर हो। यही धरान–१५ स्थित एक ...

हिविस्कसमा एईईमा उर्तीण विद्यार्थीहरुलाई सम्मान

छाल खवरधरान,१७असार ः हिविस्कस इङ्लिस वोडिङ स्कुल धरान–१५ ले एस.ई.ई पर ...

एसई.ई. स्पिकर–२०८१ को उपाधि झापाका आबिष्कार राउतल

धरानर ¥याडिकल लाईट नेपाल प्रा.लि.धरानद्वारा आयोजित कोशी प्रदेशस्तरीय एस ...

हिविस्कस वोडिङ स्कुलमा सरसफाई अवार्ड

छाल खवरधरान,२४असार ः हिविस्कस इङ्लिस वोडिङ स्कुल धरान–१५ ले व्यवहारीक ...

विजयपुर हस्पिटलमा ७१ बर्षीया बृद्धाको कृतिम घुँड

छाल खवर धरान,१०जेठः धरानको नीजि क्षेत्रको एकमात्र अस्पताल विजयपुर हस्पिटलमा ...

Copyright © 2020 / 2025 - Chhalkhabar.com All rights reserved

Website By : Hash Tech Logic