प्रदेश १ को मुख्यमन्त्री राजेन्द्र राई वन्दै आज २ वजे शपथ हुदै

छाल खवर
धरान,१६ असोज ःप्रदेश १ मा गठबन्धन दलको तर्फबाट नेकपा (एकीकृत समाजवादी) पार्टीका संसदीय दलका नेता राजेन्द्र राई मुख्य मन्त्री वन्ने भएकाछन् ।

गठवन्धन दलका तर्फबाट मुख्यमन्त्रीका लागि राइले ५० जना संसदको हस्ताक्षर सहित दावी पेस गरेपछि उनी मुख्य मन्त्री हुने निश्चित भएको हो ।

गठवन्धन दलहरुले राईको नेतृत्वमा नयाँ सरकार गठनका लागि प्रदेश प्रमुख सोमनाथ अधिकारी समक्ष सोमवार दाबी पेस गरेका थिए ।

सोमबार दिउँसो प्रदेश प्रमुख सोमनाथ अधिकारी समक्ष सांसद्‍हरूले राईको नेतृत्वमा नयाँ सरकार गठनका लागि दाबी पेस गरेको पत्र बुझाएका हुन् ।

प्रदेश प्रमुख अधिकारीले पत्र बुझ्दै भोलि मंगलबार २ बजेका लागि शपथ ग्रहणको समय समेत तय गरिसकेका छन् ।

यसअघि एमालेका सांसद् भीम आचार्यले मुख्यमन्त्रीबाट राजीनामा दिएपछि प्रदेश प्रमुख अधिकारीले सोमबार नै नयाँ सरकार गठनका लागि दाबी पेस गर्न आह्वान गरेका थिए ।

९२ सदस्यीय प्रदेशसभामा एकल बहुमत रहेको एमालेका ५१ सदस्यमध्ये १० जना प्रदेश सांसद एकीकृत समाजवादीमा गएपछि एमाले ४१ जनामा खुम्चिएको थियो । त्यसपछि आचार्य अल्पमतमा परेका थिए । नेकपा (एस) लाई कांग्रेससहित पाच गठवन्धन दलहरुको ५० सांसद्को समर्थन रहेको छ ।