एमाले सुनसरीमा रमेश बस्नेत इन रेवति भण्डारी आउट पत्रको कुनै आधिकारीकता र औचित्य छैनः भण्डारी

छाल खवर
धरान,२० कार्तिक ः सुनसरीमा नेकपा एमालेमा दुइ समानान्तर समिति सकृय भइरहेको वेला जिल्ला अधिवेशन संयोजकमा रमेश बस्नेतलाई तोकिएको छ ।

विवाद समाधान कार्यदलका संयोजक सुभाष नेम्वाङ र कार्यदल सदस्य भीम आचार्यले वस्नेतलाई पत्र पठाउदै संयोजकको जिम्मेवारी तोकेका हुन् ।

कार्यदलले २०७५ जेठ दुई अघिका अध्यक्ष रहेका बस्नेतकै संयोजकत्वमा अधिवेशन गर्ने निर्णय गरेको हो ।

विवाद समाधानको लागि गत भदौ १० गते बसेको केन्द्रीय कमिटीको बैठकले बनाएको सहजीकरण कार्यदलले बस्नेतको नेतृत्वमा अधिवेशन गर्ने निर्णय गरेको हो ।

कार्यदलका संयोजक सुवास नेम्वाङ र सदस्य भीम आचार्यले संयुक्त रूपमा बस्नेतको नाममा निर्णय कार्यान्वयन गर्ने पत्र पठाएका छन् । कार्त्तिक ८ गते बस्नेतको नाममा आएको पत्रमा सङ्गठनात्मक तथा अन्य कार्ययोजना बनाउन निर्देशन दिइएको उल्लेख गरीएको छ ।

सुनसरीमा रमेश बस्नेत र रेवतीरमण भण्डारीले नेतृत्व गरेको दुई वटा कमिटी हालसम्म सकृय छन् । भर्खरै सम्पन्न पालिका अधिवेशनमा भण्डारी नेतृत्वको कमिटीले नेतृत्व गरेको थियो ।

नेम्वाङ संयोजक रहेको कार्यदलले बस्नेतको संयोजकत्वमा जिल्ला अधिवेशन आयोजक कमिटी बनाउने नेकपा एमालेले निर्णय गरेको हो । भण्डारी नेम्वाङ निकट नेता हुन ।

दुवै नेताद्धारा हस्ताक्षति निर्देशनमा आयोजक कमिटीको सह संयोजकमा नन्द कुमार बस्नेत र निलम खनाल, सचिवमा पर्शुराम यादव र उप सचिवमा लिलम बस्नेत रहनेछन् । यस्तै सदस्यमा दुवै जिल्ला कमिटीका सदस्यहरू रहने उल्लेख गरिएको छ ।

आगामी पौष मसान्तभित्र जिल्ला अधिवेशन आयोजना गर्न निर्देशन दिइएको पत्रमा आगामी अधिवेशन बस्नेतले नै नेतृत्व गर्नुपर्ने उल्लेख गरीएको छ ।

यता रेवति भण्डारीले लेटर प्याडमा नभएको र छाप पनि नभएको वताउदै त्यसलाई दुइ नेताले पत्रकाएको पत्र भएको र त्यसको कुनै औचित्य नभएको दावी गरे ।

उनले फेसवुके प्रचार मात्र भएको आरोप समेत लगाए । त्यसलाई कुनै हालतमा वैधानिक नमान्ने जिकिर समेत गरेकाछन् । भण्डारी समूहले कार्त्तिक २७ गते निर्वाचन हुने गरी बुधवार कार्य तालीका समेत सार्वजनिक गरीसकेको छ ।

दुवै नेताले हस्ताक्षर गरी पठाएको निर्देशन पत्र अनुसार भण्डारीले वनाएको प्रतिनिधि अवैध हुनेछ । निर्देशन कार्यान्वयन गर्ने हो भने वस्नेतले पुर्न प्रतिनिधि चयन गर्नेछन् ।

दुइ समूह मिलाउदा आउने समस्या समाधानको लागि नेम्वाङ र भीम आचार्यले हस्ताक्षर गरेको पत्रमा सुनसरी इन्चार्ज धर्मराज निरौला संयोजक रहने गरी भगवती चौधरी, जगदीश कुसियैत, तैयव हुसेन, रेवती भण्डारी, रमेश बस्नेत र मुरारी सुवेदी सदस्य रहेको कार्यदल समेत बनाइएको छ ।

कार्यदलका सदस्य तथा प्रदेश नं. १ का इन्चार्ज भीम आचार्यले एमाले विभाजन ल्याउन विभिन्न तत्त्व लागी परेकाले त्यसलाई रोक्न निर्देशन दिइएको बताए । एमाले एकताको सन्देश दिनको लागी पत्र मार्फत निर्देशन गरिएको उनको भनाई छ ।

कार्यदलले दिएको निर्देशन पालना नगर्ने जो कोहीलाई पनि कार्वाहीको दायरामा ल्याउनु पर्ने कार्यकर्ताहरुको भनाई रहेको छ । निर्देशन जारी भइसकेको अवस्थामा जवरजस्ती गर्नु गैरराजनीतिक कार्य भएको ती कार्यकर्ताहरुको भनाई रहेको छ ।