माओवादी परित्यागगरी तारा लामगादे एकिकृत समाजवादीमा प्रवेश

छाला खवर

धरान,१७ मंसिर ःधरानका युवा बामपन्थि तारा लामगादे नेकपा माओवादी केन्द्र परित्याग गरी नेकपा एकिकृत समाजवादीमा प्रवेश गरेकाछन् ।

बाम एकता र क्रान्तिकारी कम्युनिष्टहरुको पहल तथा नेतृत्वबाट मात्रै मुलुककोे परिवर्तन सम्भव भएको निष्कर्ष सहित लामगादे तारा लामगादे नेकपा एकिकृत समाजवादीमा प्रवेश गरेकाहुन ।

धरानका दलित अधिकारको सवालमा सकृय रहेका लामगादेले अबको राजनीतिक बिचारधारा भनेको समतामूलक समाज निर्माण भएको निष्कर्ष सहित आफू एकिकृत समाजवादीम प्रवेश गरेका छन् ।

माक्सवाद–लेलिनवाद–माओवाद वा माओ विचारधारामा अल्झिएर बैचारिक बहस भन्दा पनि नेपाली समाजमा विद्यमान भेदभाव, जातीय छूवाछूत, धार्मिक विरोधाभाष, लिङ्गिय विभेद लगायतका समस्याहरु समाधान गर्न र दलाल पूँजीवादी व्यवस्थाको अन्त्य गरेर समाजवादी व्यवस्थाको स्थापना नै प्रमुख लक्ष्य हो लामगादेमा आफ्नो विज्ञप्तिमा भनेकाछन् ।

आधारभूत वर्गको उत्थानका लागि कम्युनिष्ट पार्टी नै सच्चा राजनीतिक शक्ति बन्न सक्ने कुरामा कुनै दुविधा नरहेको भन्दै अहिलेको अवस्थामा रुपमाकम्युनिष्ट र सारमा प्रतिक्रियावादी सामन्तहरुको संरक्षक प्रतिगामी शक्ति हाबी बन्दै गएको उनको ठहर रहेको छ ।

उग्रवामपन्थी र दक्षिणपन्थी अवसरवादी शक्तिलाई पराजय गर्नका लागि पनि क्रान्तिकारी कम्युनिष्टहरुको बृहत कार्यगत एकता, सहकार्य र पार्टी एकीकरणको आवश्यकता रहेको छ विज्ञप्तिमा भनिएको छ ।

बाम एकता र क्रान्तिकारी कम्युनिष्टहरुको पहल तथा नेतृत्वबाट मात्रै परिवर्तन सम्भव हुने र त्यसको नेतृत्व माधव कुमार नेपाल र उहाँको नेतृत्वमा रहेको नेकपा (एकीकृत समाजवादी) बाट सम्भव देखिएकोले उक्त राजनीतिक दललाई समर्थन गरेको उनले विहिवार जारी विज्ञप्तिमा भनिएको छ ।

विद्यार्थी जीवनबाट राजनीतिक यात्रा शुरुवात गरेका लामगादे पत्रकारिता क्षेत्रबाट आफ्नो पहिचान सफल भएकाछन् । उनी जातीय उत्पीडनबाट दलित समुदायलाई मुक्त दिलाउन वर्गिय आन्दोलनको एउटा अभियान्ताको रुपमा जातीय मोर्चाहरुको समेत नेतृत्व सम्हाल्दै आएकाछन् ।

नेपालको वामपन्थी आन्दोलनमा कम्युनिष्ट पार्टीमा रहेर काम गर्दै आएकाछन् । पार्टीमा स्थानीय, जिल्ला, राज्य (प्रदेश) र केन्द्रीय तहमा समेत विभिन्न जिम्मेवारीहरु सम्हाली अनुभव समेत हासिल गरीसकेकाछन् ।

व्यवसायिक पत्रकारीता गर्दै आएका लामगादे नेपाल ख्रिष्टियन पत्रकार संघको केन्द्रीय अध्यक्ष, राष्ट्रिय दलित पत्रकार संघको केन्द्रीय सदस्य, नेपाल पत्रकार महासंघको कार्यकारी सदस्य जस्ता विभिन्न जिम्मेवारमा रहेकाछन् ।

नेकपा (मसाल) हुँदै नेकपा (माओवादी) को तर्फबाट विभिन्न भूगोलमा पार्टीका विभिन्न तहका जिम्मेवारी कुसलतापूर्वक सम्हालेका थिए ।

नेपालमा गणतन्त्र, संघीयता, धर्मनिरपेक्षता र समावेशीताको मुद्दालाई उठान गर्ने, संविधानमा सुनिश्चित गर्नेसम्मको अभियानमा मेरो राजनीतिक सक्रियता कठोर रुपमा रहेको उनले दावी समेत गरेकाछन् ।

लोभी–पापी मानिसहरु पार्टीको नेतृत्व हडप्ने र दलाल पुँजीपतिहरु सर्वहारा, श्रमजीवि वर्गको पार्टीका मालिक बन्ने अभियान जारी नै रहेकोले उत्पीडित समुदायका मुद्दाहरु झन् पछि झन् दयनीय र कमजोर बन्दै गएको दृश्य टुलुटुलु हेरेर बस्न नसकेकोले आफू समाजवादको यात्रामा लामवद्ध हुन लागेको उल्लेख गरेकाछन् ।

माओवादी केन्द्रको भूगोल र सवै जिम्मेवारीलाई त्याग गर्दै साधारण सदस्य समेत नरहने घोषणा गरेकाछन् । अव एकिकृत समाजवादी पार्टीको भूगोलमा राजनीतिक जिम्मेवारी सम्हाल्ने उनले प्रतिवद्धता जनाएकाछन् ।

पार्टी संगठनको आवश्यकता अनुसार जिम्मेवारी लिँदै अघि बढ्ने निर्णय गरेकोले सम्पूर्णमा नेकपा (एकीकृत समाजवादी) र त्यसका जनवर्गिय संगठनहरुमा आवद्ध बन्न आव्हान समेत उनले गरेकाछन् ।