एमालेद्धारा विद्यार्थीहरुलाई स्विटर वितरण

छाल खवर
धरान,२ पुषः नेकपा एमाले १४ नं. वडा कमिटीले स्थानीय दन्तकाली मावि. धरान १४ का विद्यार्थीहरुलाई स्वीटर वितरण गरेको छ ।

सो स्विटर वितरण कार्यक्रममा कक्षा पाँचसम्मका विद्यार्थीहरुलाई वितरण गरीएको हो ।

वडाकमिटीका अध्यक्ष सूर्यप्रसाद पोख्रेलको अध्यक्षतामा तथा नेकपा एमाले केन्द्रीय कमिटी सदस्य मञ्जु भण्डारीको प्रमुख आतिथ्यमा कार्यक्रम सम्पन्न भएको थियो ।

कार्यक्रममा नेकपा एमाले जिल्ला प्रचार प्रमुख रवि खनाल, धरान सहइञ्चार्ज ऋषिराज राई, नगर अध्यक्ष हर्क एभेङ, नगर सदस्य सुरेन्द्र घिमिरे,झरना सुनुवार लगायतको उपस्थिति रहेको थियो । कार्यक्रममा ९५ जना विद्यार्थीले स्विटर, दन्तकाली मा.वि.का कक्षा १०का विद्यार्थीले उपमेयर सामु कोचिङ कक्षा चलाउन र शिक्षकलाई समयमा कक्षामा पठाउन अनुरोध समेत गरेका थिए ।

सुखमा पनि एमाले दुःखमा पनि एमाले जनताको घर घरमा एमाले भन्ने नारा अन्र्तगत यो कार्यक्रम गरीएको नगर कमिटी सदस्य सुरेन्द्र घिमिरेले वताए ।

कमिटी गठन पश्चात नव गठित कमिटीले पछिल्लो समय विभिन्न गतिविधि गर्दै पार्टीलाई सकृय वनाउदै आएको छ