सुनसरी प्याब्सनमा धरानका अनुप योन्जन

छाल खवर
धरान,३ पुष ःनिजी विद्यालयका सञ्चालकहरूको छाता सङ्गठन प्याब्सन सुनसरीको अधिवेशनबाट अध्यक्षमा अनुप योञ्जन निर्वाचित भएकाछन् ।

शनिबार भएको अधिवेशनबाट उनी आगामी तीन वर्षका लागि सर्वसम्मत अध्यक्षमा निर्वाचित भएका हुन् ।

अध्यक्ष पदमा निर्वाचित उनी यसअघि प्याब्सनको सचिव थिए ।

धरान–१८ स्थित माउण्ट हर्मन एकेडेमीका प्रिन्सिपल हुन् ।

यस्तै, वरिष्ठ उपाध्यक्षमा थानेश्वर ढकाल, उपाध्यक्षमा रमेश कार्की र विजय राई, सचिवमा गणेश भण्डारी, कोषाध्यक्षमा दीपक कार्की, सहकोषाध्यक्षमा पुरुषोत्तम राई सर्वसम्मत चुनिएका छन् । यस्तै, सहसचिवमा गोपाल निरौला र मनोजकुमार यादव चयन भएका छन् ।