कृषि बजारमा पर्शुराम दोस्रो पटक निर्वाचित

छाल खवर
धरान,११ पुष ः कृषि उपज बजार व्यवस्थापन समिति धरान–१३ को अध्यक्षमा पुनः पर्शुराम कटुवाल निर्वाचित भएका छन् ।

शनिबार कृषि उपज बजारस्थलको सभा हलमा सम्पन्न निर्वाचनमा तीन वर्षे कार्यकालका लागि अध्यक्षमा कटुवालसहित ५ जना सदस्यहरू निर्वाचित भएको निर्वाचन समितिले जनाएको छ ।

निर्वाचित कार्यसमितिको सदस्यहरुमा व्यापारी प्रतिनिधिका तर्फबाट भक्तिकुमार राई (विनोद), रमेशकुमार शाह, कृषक समूहबाट झुमादेवी राई, राजेश मेहेता, पदम लिम्बू निर्वाचित भएका छन् । यस्तै, वडाध्यक्ष सदस्य रहने प्रावधान अनुसार १३ नम्बर वडाध्यक्ष नेत्रप्रसाद काफ्ले सदस्य रहनेछन् ।

विकासको फड्को मार्दै आएको कृषि बजारले कटुवालको नेतृत्वमा नेपाल कै उत्कृष्ट कृषि बजारको उपाधि लगातार नेपाल सरकारबाट हात पार्दै आएको छ ।यस वर्ष पनि उत्कष्ट बजारको पुरस्कार हात पारेको थियो ।

आगामी दिनमा यस वजारलाई अन्र्तराष्ट्रिय बजार मै उत्कृष्ट वनाउने आफ्नो योजना रहेको अध्यक्ष कटुवालको भनाई रहेको छ ।