१९औ अन्नपुर्ण साझमा सविन राईको प्रस्तुती

छाल खवर
धरान,२० पुष ःडिजाइर्नस व्रान्डको आयोजना तथा अन्नपुर्ण युवा परिवारको संयोजनमा च्यरिटेवल १९ औ अन्नपुर्ण साझ आयोजना हुने भएको छ ।

पौष २७ गते आयोजना हुन लागेको सो साझमा नेपालको चर्चित गायक सविन राई एण्ड द फराओ र पहेलो वतिm मुनि व्याण्डको प्रस्तुति रहने आयोजकले सोमवार पत्रकार सम्मेलन गरी जानकारी गराएकाछन् ।

स्थानिय युवाहरुलाई सामाजिक कार्यमा सहभागि गराउने उद्धेश्यले लामो समय देखि सो साझ आयोजना हुदै आएको छ ।

१९ औ अन्नपुर्ण साझको विषयमा जानकारी गराउन सोमवार पत्रकार सम्मेलनको आयोजना गरिएको थियो ।
संयोजनको रुपमा रहेको अन्नपुर्ण युवा परिवारले १९ औ अन्नपुर्ण साझलाई एक दिने उत्सवको रुपमा मनाउन लागेको पत्रकार सम्मेलनमा जानकारी गराए ।

विगतमा सांगितिक कार्यक्रम मात्र गर्दै आइरहेको साझ यस पटक भने दिनको १२ वजे देखि नै उत्सवको रुपमा आयोजना गर्न लागेको कार्यक्रमका संयोजक गौतम खालिङ्गले वताए । ।

धरान १६ स्थित अन्नपुर्ण लाइनमा रहेको विजुलि अफिसको पुर्व पट्टिको खालि जग्गामा विभिन्न खानाको परिकार सहितको भव्य स्टल र स्टेज तयार हुनेछ । कार्यक्रम स्थाल वरिपरि पुरै सजाइनेछ ।

स्टेजमा दिउसो देखि नै सांगितिक कार्यक्रम प्रस्तुत हुनेछ । राति ९ वजे सम्म सागितिक कार्यक्रम हुने र त्यसपछि रमाइलोको लागि हाउजि खेलाइने आयोजनकले जनाए ।

सविन राई र सिव लामिछाने जस्ता नेपालकै चर्चित कलाकारहरु पहिले यहि अन्नपुर्ण साझमा प्रस्तुति दिन्थे । यो साझ स्थानीय कलाकारहरुलाई आफ्नो प्रतिभा प्रस्फुटन गर्ने तथा देखाउने प्लेटफर्म रहेको संयोजक खालिङ्गले वताए ।

कार्यक्रम वाट उठेको रकमले सामाजिक कार्य गर्दै आइरहेको आयोजकले यस पटक पनि उठेको रकमले धरान छाताचौक स्थित पुनस्थापना केन्द्र्र र धरान १६ न वडाका विपन्न परिवारलाई खाद्यन्न र धरानका एचआइभि संक्रमित तथा प्रभावित वालवालिकाहरुलाई जाडोको लुगा वितरण गर्नेछ ।

यस्ता कार्यक्रमको आयोजनाले युवाहरु खराव संगत वा कुलतमा फस्न वाट जोगिने आयोजक वताउछन ।अनुमानित वजेट १४ लाख ५० हजार रुपैया रहेको कार्यक्रमको मु्ख्य प्रायोजक सिवानि एयरलाइन्स रहेको छ । कार्यक्रम अघि पौष २५ गते अन्नपुर्ण चौकमा आयोजकले व्लड डोनेसन कार्यको आयोजना गर्नेछ ।