भु–माफियाबाट जग्गा बचाउन सडक आन्दोलन

  • माघ ४, २०७८
  • ४०५ पटक पढिएको
  • छाल खबर
alt

छाल खवर
धरान,४ माघः महेन्द्र बहुमुखी क्याम्पस धरानको जग्गा हडप्न लागेपछि जग्गा बचाउ समिति गठन भएको छ ।

धरानका नागरिक अगुवाहरुले मोहीको छोरालाई अघि सारेर भुमाफियाले जग्गा हडप्न लागेपछि दवाव स्वरुप सडक आन्दोलनको समेत घोषणा गरेकाछन् ।

सोही क्याम्पसका पुर्वप्रमुख तथा पुर्वमेयरसमेत रहेका कुमारबहादुर कार्कीको संयोजकत्वमा जग्गा बचाउ समिति गठन गरिएको हो ।

जग्गा फिर्ता नभएसम्म आन्दोलन जारी राख्ने कार्कीको भनाई रहेको छ ।

समिति जनप्रतिनिधिहरु सल्लाहकार छन् भने राजनीतिक दलका प्रतिनिधि, सामाजिक संघसंस्थाका प्रतिनिधि, बुद्धिजिविहरु सदस्य छन् ।

संयोजक कार्कीले माघ ५ गते सांकेतिकरुपमा धरानमा मौन जुलुस गर्ने जानकारी दिएकाछन् ।

संयोजक कार्कीका अनुसार माघ ५ गते पछि प्रदेशका सभामुख, मुख्यमन्त्री, नगरपालिका र अन्य महत्वपुर्ण निकायहरुमा ज्ञापन पत्र बुझाउने कार्यक्रम तय भएको छ ।

धरानबासीलाई हस्तक्षेत्र भएको जग्गाको आम रुपमा जानकारी गराउने र टोल टोलबाट आन्दोलनलाई उत्कर्षमा पु¥याउने दावी गरे ।

क्याम्पसले २०३४ सालमा धरान ११ स्थित स्वास्तिक चोकमा कित्ता नम्बर २६६ को १७ कट्ठा १८ धुर जग्गा खरिद गरेको थियो ।उक्त जग्गाको स्रेस्तामा मोही डम्बरबहादुर घिमिरे थिए ।

मोही परिवारलाई खुशी बनाएर नै जग्गा क्याम्पसलाई बिक्री गरिएको तत्कालिन जग्गाधनी श्याम गोविन्द श्रेष्ठले बताउदै आएका छन् ।

मोहीले जग्गाको ५० प्रतिशत जग्गा पाउने कानुनी प्रावधान छ । यो हिसाबले क्याम्पसबाट मोहीले पाउने जग्गाको मुल्य कम्तीमा २० करोडको हुन्छ ।

मोहीले सो जग्गा भोग भने गरेका छैनन् ।त्यहाँ क्याम्पसले घेराबारा गरेर भौतिक संरचनाहरु निर्माण गरेको छ । मोही घिमिरेको २०५६ सालमा नै मृत्यु भएको थियो भने उनकी पत्नी शिवकुमारीको पनि २०६४ सालमा निधन भइसकेको छ ।

धरानमा खेलकुद महोत्सवको आयोजना हुने

छाल खवर धरान,१३ मंसिर ः धरानमा पहिलो पटक खेलकुद महोत्सव आयोजना हुने भएको छ ...

के.के.इन्टरनेशनल स्कुलको दशौं वार्षिक उत्सव सम्पन

छाल खवरधरान,१२ मंसिर ः के.के. इन्टरनेशनल स्कुल धरान–१५ ले दशौँ वार्षि ...

प्रहरी कार्यालयमा आगजनी गर्ने पक्राउ

छाल खवर धरान,११मंसिर ःइलाका प्रहरी कार्यालय इटहरीमा आगजनी, तोडफोड, लुटपाट र ...

हिमशिखर र ज्वालामुखी क्वाटर फाइनलमा

छाल खवर धरान,१० मंसिरः धरानमा जारी पहिलो सुनाखरी कपको वुधवारको खेलमा ज्वाला ...

प्रभात सेकेन्डरी र सैनिक आवासीय क्वाटरफाइनलमा

छाल खवर धरान, ९ मंसिरः धरानमा जारी सुनाखरी एकेडेमी कपको मंगलवारको खेलमा प्र ...

कोशी प्रदेश डीआईजी रनिङ कप पुषमा

छाल खवर धरान,९ मंसिरः १९ वर्षदेखि स्थगित रहेको डिआइजिपि कप यस वर्षदेखि सञ्च ...

Copyright © 2020 / 2025 - Chhalkhabar.com All rights reserved

Website By : Hash Tech Logic