आवश्यकता अनुसार गठबन्धन हुने कांग्रेस महामन्त्री थापाको भनाई

छाल खवर
काठमाडौं ,३ फागुन ः नेपाली कांग्रेसका महामन्त्री गगन थापाले स्थानीय तहको निर्वाचनमा आवश्यकतानुसार गठबन्धन हुने बताएका छन् ।

नेपाली कांग्रेस काभ्रेपलाञ्चोकको जिल्ला कार्यालयमा सोमबार साँझ आयोजित नेता, कार्यकर्तासँगको भेटघाटमा थापाले सो कुरा वताएका हुन् ।

कार्यक्रममा नेता थापाले केन्द्रीय निर्देशनले स्थानीय तहको निर्वाचनमा कुनै असर नगर्ने समेत दाबी गरे ।

कार्यक्रममा वोल्दै थापाले कुन पालिकामा कुन दलसँग गठबन्धन गर्ने भन्ने कुरा पालिका समिति, जिल्ला कार्यसमिति लगायत जिल्ला तहबाटै निर्क्योल गरे मात्र उपलब्धि हासिल गर्न सकिने उल्लेख गरेकाछन् ।

कसैले हल्ला गर्दैमा निर्वाचन नसर्ने वताउदै सरकारले तोकिएकै समयमा निर्वाचन गर्ने जिकिर समेत गरेकाछन् ।

थप अर्को प्रसंगमा वोल्दै नेता थापाले प्रधानन्यायाधीश चोेलेन्द्रशम्सेर राणाविरुद्धको महाअभियोग स्वाभाविक रहेको बताए ।

उनले भने, ‘उहाँमाथि थुप्रै आरोप छन्, न्यायालयलाई ध्वस्त पार्ने उहाँकै भूमिका हो ।’ उनले आफू निकै अघिदेखि प्रधानन्यायाधीश राणाविरुद्ध महाअभियोगको पक्षमा रहेको दाबीसमेत गरे ।