छाल खवर
धरान,८ चैत ः नेकपा माओवादी केन्द्र धरान उपमहानगर कमिटीको सोमवार भएको निर्वाचनबाट सुर्यबहादुर भट्टराई (मनोज) अध्यक्ष पदमा निर्वाचित भएकाछन् ।
अध्यक्षमा विजयी भटट्राईले ३५ मत पाए भने उनका निकटतम प्रतिद्धन्दी उद्धवबहादुर लिम्बुले ३० मत पाएका थिए भने अध्यक्षका अर्का उम्मेदवार सिपी बजगाईले २ मत पाएका थिए ।
भट्टराई धरान १७ का वडाध्यक्ष समेत हुन । माओवादी केन्द्रको तर्फबाट जनप्रतिनिधि निर्वाचित हुने भट्टराई मात्र हुन ।
यस्तै, खुला दुई उपाध्यक्षतर्फ सर्वजित राईले सर्वाधिक ४७ मत पाएर विजयी भएका थिए भने सम्फर तामाङले ३२ मत पाई विजयी घोषित भएका थिए ।
सचिव पदमा विदुर महतले ३६ मत पाएर विजयी घोषित भए भने उनका निकटतम प्रतिद्धन्दी चेतना श्रेङले ३० मत पाएकी थिइन ।
महिला उपाध्यक्षमा मनिता राई (जाइर्का) सहसचिवमा खेम रनपहेली र कोषाध्यक्ष लिलाबहादुर प्रधान निर्विरोध निवार्चित भएको प्रमुख निर्वाचन अधिकृत केषव घिमिरेले जानकारी दिएकाछन् ।
नवनिवार्चित पदाधिकारीहरुलाई केन्द्रीय सदस्य किरण राईले पद तथा गोपनियताको सपथ ग्रहण गराएका थिए । गत पुष ९ गते भएको सम्मेलनले ८१ सदस्यीय नगर कमिटी चयन गरेपनि पदाधिकारीहरु भने चयन भएको थिएन ।
शपथ ग्रहण पछि प्रतिक्रिया दिदै नव निर्वाचित अध्यक्ष भट्टराईले माओवादी पार्टीलाई एकढिक्का बनाउदै धरानमा एमाले, कांग्रेससँग प्रतिस्पर्धा गर्न सक्ने सक्षम पार्टी वनाउने प्रतिवद्धता व्यक्त गरेका थिए ।
पार्टीलाई विधि, विधान, प्रक्रिया, पद्दती अनुसार चलाउन सबैलाई साथ लिएर अघि बढने समेत थप प्रतिवद्धता जनाएकाछन् ।
उनले पार्टीलाई मजवुत वनाउनेमा आसावादी रहेको कार्यकर्ताहरुको विश्वास रहेको छ ।
Copyright © 2020 / 2026 - Chhalkhabar.com All rights reserved
Website By : Hash Tech Logic
