छाल खवर
धरान,११ चैतः नेकपा (एकिकृत समाजवादी)ले धरानमा आफ्नो संगठन विस्तारलाई वित्र रुपमा अघि वढाएको छ । यतिवेला केन्द्र देखि गाउ गाउका नेता कार्यकर्ताहरु संगठन निर्माण अहोरात्र खटिएकाछन् ।
एकिकृत समाजवादीले शनिवार धरान ४ स्थित दानावारीमा टोल कमिटी निर्माण गरेको छ । एमालेको पकड वडा मानिने यो वडामा समाजवादीले यस अघि तेलनपुर ढाडेमा सिंगो गाउ नै समाजवादीमा समाहित गरीसकेको छ ।
दुईसातादेखि वडा तथा टोल वस्तीमा संगठन निर्माण अभियान मा जुटेको समाजवादीले निकै प्रभाव जमाउन थालेको छ ।
संगठन निर्माण अभियान लिएर टोल वस्तीमा पुग्दा नेकपा एकिकृत समाजवादीको पक्षमा स्थानीय तहमा स्थानीयवासीको हौसलापूर्ण सहभागीता र आर्कषण हुुने गरेको केन्द्रीय सदस्य तथा सुनसरी सहइन्चार्ज तथा सुनसरी क्षेत्र क संयोजक शुष्मा राईको भनाई रहेको छ ।
भेलाले धरान ४ स्थित हर्दिया र दानावारी स्थित टोल वस्तीमा रहेका स्थानियहरुको भेलाले जय तामाङको अध्यक्षतामा नेकपा एकिकृत समाजवादीको टोल कमिटी गठन गरेको छ । कमिटीको उपाध्यक्षमा प्रकाश राई, सचिवमा मणि कुमार राई, उपसचिव सीता मगर चयन भएका छन ।
नेकपा एसकी केन्द्रिय सदस्य तथा सुनसरी सहइन्चार्ज शुष्मा राईले पद तथा गोपनियताको सपथ ग्रहण गराउदै नेकपा एकिकृत समाजवादी अन्य दल भन्दा फरक भएकाले जनताका समस्या प्रति संवेदनशिल बन्दै विकास र समृद्धीका लागि प्रतिवद्ध रहेको बताइन ।
कार्यक्रममा केन्द्रीय सदस्य तथा सुनसरी सहइन्चार्ज जीवन राई विशेष अतिथि रहेका थिए । जिल्ला सदस्य तथा धरान नगर इन्चार्ज किशोर सुव्वा,जिल्ला सदस्य, गोविन्द वि.क. लगायतको उपस्थिति रहेको थियो ।
Copyright © 2020 / 2026 - Chhalkhabar.com All rights reserved
Website By : Hash Tech Logic
