सानाकिसानद्धारा कृषकलाई मेसिनरी सामाग्री हस्तान्तरण

छाल खवर
धरान,२३ चैत ः साना किसान कृषि सहकारि संस्था लि.धरानले आफ्ना शेयर सदस्यहरुलाई मेसिनरी सामाग्री हस्तान्तरण गरेको छ ।

सहकारीले मंगलवार एक कार्यक्रमको आयोजना गरी ३वटा मिनि पावर टिलर १ वटा चाफ कटर ३ जना सदस्यलाई हस्तान्तरण गरेको थियो ।

साना किसान विकास लघुवित्त वितिय संस्था लि.को साझेदारीमा सदस्यहरुलाई ५० अनुदानमा धरान वडा नं ४ र ५ का युवा उद्यमी कृषकलाई हस्तान्तरण गरीएको सहकारीका व्यवस्थापक विष्णुमार श्रेष्ठले जानकारी दिएकाछन् ।

उनका अनुसार शप्ता कुमारि चाफ कटर, भिमरसि राई मिनि पावर टिलर, गोमा खड्का राई मिनि पावर टिलर मेसिन प्रदान गरीएको थियो ।

कार्यक्रमको अध्यक्षता साना किसान कृषि सहकारि संस्था लि.धरानकी अध्यक्ष शिला राईले गरेकी थिइन ।
सहकारीले यस अघि पनि शेयर सदस्यहरुको लागि विभिन्न किसिमका तालिमहरु आयोजना गर्दै आएको छ ।