छाल खवर
धरान,१० वैशाख ः नेकपा एकिकृत समाजवादीको लामो समयदेखि गरेको प्रयास सार्थक वनेको छ ।
समाजवादीले नेकपा एमालेबाट निर्वाचित धरान ४ का वडाध्यक्ष मानवहादुर राईलाई समाजवादीमा ल्याउन गरेको प्रयास सार्थक वनेको हो ।
नेकपा एमालेबाट निवार्चित धरानको वडा नं ४ का वडाअध्यक्ष मानबहादुर राई नेकपा एमाले परित्याग गरी एकीकृत समाजवादीमा प्रवेश गरेका छन् ।
उनले वैशाख ३० गते हुने स्थानीय निर्वाचनका लागि उमेद्वार वन्नको लागि वडा अध्यक्षबाट पदबाट समेत राजीनामा दिएकाछन् ।
वडाध्यक्ष राईले शनिवार राजिनामा दिएर एमाले परित्याग गरी एकीकृत समाजवादीमा प्रवेश गरेको घोषणा समेत गरेकाछन् ।
गठवन्धनको भागवण्डामा वडा नं ४ एकिकृत समाजवादीको भागमा परेको छ । एक पटक वडाअध्यक्ष भएर अधुरो रहेको काम पुरा गर्न आफूले फेरी जनतामा माझ जान चाहेको वताए ।
उनले अब एकीकृत समाजवादीबाट वडा नं ४ मा अध्यक्ष उठ्ने पनि बताए ।वडाध्यक्ष राईलाई पार्टी प्रवेश गराउनका लागी केन्द्रीय सदस्य तथा सुनसरी सहइन्चार्ज सुष्मा राईले लामो समयदेखि पहल गर्दै आउनु भएको थियो ।
Copyright © 2020 / 2026 - Chhalkhabar.com All rights reserved
Website By : Hash Tech Logic
