धरान १९ मा एमालेको प्यानलै विजयी

छाल खवर
धरान,५ जेठ ः धरान वडा नं १९ मा नेकपा एमालेले वाजी मारेको छ । नेकपा एमालेले निकटतम प्रतिद्धन्द्धी नेपाली कांग्रेसलाई पराजित गर्दै वाजी मारेको हो ।

एमालेको तर्फबाट वडाध्यक्षमा पुर्ण लिम्बुले ९२८ मत प्राप्त गरेर विजयी यात्रा अघि वढाए भने निकटतम प्रतिद्धन्दी राजकुमार थोप्राले ८५४ मत प्राप्त गरेका थिए ।

अर्का वडाध्यक्षका उम्मेद्वार जनता समाजवादी पार्टीका सुमन चेम्जोङले १९६ मत प्राप्त गरेका छन् ।

निर्वाचित वडाअध्यक्ष लिम्वूले दोस्रो पटक पनि वाजी मारेका हुन् । उनी २०७४ को स्थानीय तह निर्वाचनमा पनि निवार्चित भएका थिए ।

यसैगरि, महिला सदस्यतर्फ एमालेकै झुमादेवी गुरुङ ९५३ मतका साथ निवार्चित भइन् भने दलित महिला सदस्यमा चन्द्रमाया बिक ९२७ मतका साथ निवार्चित भइन् । यस्तै, खुला सदस्यमा जसरथ थलङ ८९८ मत र लोकेन्द्र राई ८८७ मतका साथ निवार्चित भएका छन् ।

उप निर्वाचन २०७६मा एमाले भन्दा ५सय मतले कांग्रेस अघि भएको भएपनि अहिलेको निर्वाचनमा कांग्रेस पछि परेको हो ।