धरानको मेयरमा स्वतन्त्र उम्मेद्वार हर्क साम्पाङ निर्वाचित

छाल खवर
धरान,८ जेठ ः स्वतन्त्रबाट हर्क साम्पाङले धरान उपमहानगरपालिको मेयरमा वाजी मारेकाछन् ।

आइतबार सम्पन्न मतगणनामा साम्पाङले निर्वाचित भई वाजी मारेका हुन ।

उनले २०८२१ मत प्राप्त गर्दै मेयरमा बाजी मारेका हुन ।

धरानमा गठबन्धन तर्फका मेयरका उम्मेद्वार किशोर राईले १६०५९ मत प्राप्त गरेका छन भने एमालेकी उम्मेद्वार मञ्जु भण्डारी सुवेदीले १२८२५ मत प्राप्त गरेकी छन । गठबन्धनका उम्मेद्वार राईले साम्पाङ भन्दा ४हजार ७ सय ६२ मत कम ल्याएका थिए ।

विजयी पश्चात साम्पाङले धराने जनतालाई खानेपानी खुवाउने आफ्नो पहिलो एजेण्डा खानेपानीलाई प्राथमिकतामा राखेर काम गर्ने प्रतिक्रिया दिएकाछन ।

यसैगरी उपमेयरमा गठबन्धन तर्फका उम्मेद्वार अइन्द्र विक्रम बेघा निर्वाचित भएका छन । उनले आफ्नो निकट्तम प्रतिद्धन्दि एमालेका उम्मेद्वार पदम ईस्बोलाई १२३४ मतान्तरले पराजित गरेका छन । उनले २०५१० मत प्राप्त गरेका छन भने पदम लिम्बुले १७६०६ मत प्राप्त गरेका छन ।

धरानमा २० वटा वडामा सबै भन्दा धेरै वडा नेकपा एमालेले जितेको छ । एमालेले मेयर र उपमेयर गुमाए पनि १० वटा वडा जितेको छ ।

यसैगरि नेपाली कांग्रेसले ७ वटा वडा, नेकपा (माओवादी केन्द्र)ले उपमेयर सहित १ वटा वडा र स्वतन्त्रले १ वटा वडा जितेको छ ।

नगर परिषदमा एमालेले स्पष्ट वहुमत हासिल गरेको छ ।